Курсааннар хампаанньа бас билиитигэр сылдьар «Виктория-1», «Боец», «Витимец» уонна «Марион» теплоходтарга анал практическэй үөрэхтэри ааһаллар. Устудьуоннар рулевой-моторист дуоһунастарыгар хамнастаах үлэнэн хааччыллан навигация түмүктэниэр диэри стажировкаланыахтара.
AK&M ааҕыныстыба хампаанньа национальнай рейтинговай шкалатыгар үчүгэй сыанабылы биэрдэ. «А» рейтинг диэн «РНГ» АУо бигэ туругунан Россия хампаанньаларын икки ардыгар үрдүк көрдөрүүлээҕин туоһулуур.
Бэлиэтээн этиллибитинэн, «РНГ» АУо тулалыыр эйгэҕэ эппиэтинэстээх сыһыана, корпоративнай управление ситиһиилэрэ, региональнай былаастары, олохтоох түмсүүлэри кытта көдьүүстээхтик бииргэ үлэлэһиитэ үрдүктүк сыаналаммыт.
«Виктория-1», «Витимец», «Морион» уонна «Боец» теплоходтар Өлүөнэ өрүһүнэн бастакы рейстэригэр туруннулар. Кинилэр Саха сиригэр кииннээн үлэлиир «РНГ» АУо тэрилтэтигэр анаммыт техническэй таһаҕас уонна үлэни хааччыйыыга ас-үөл тиэннилэр.
Суудуналар айаннара үгэс быһыытынан Иркутскай уобалас Усть-Кут куорат Осетрово пордуттан саҕаланар уонна Саха Өрөспүүбүлүкэтин Лэнскэй куоратыгар түмүктэнэр. Айан уопсай уһуна бара-кэлэ 2000 килэмиэтир кэриҥэ.
Хампаанньа Кыайыы 80 сылыгар анаммыт Мииринэй оройуонугар интеллектуальнай спорт көрүҥэр (саахымакка уонна дуобакка) анаммыт бастакы турниры тэрийиигэ көмө буолан тэрээһиҥҥэ харчынан көмөлөстө.
Турнирга 5-тэн 18-гар диэри саастаах 150 эдэр спортсмен Мирнэйтэн, Удачнайтан, Ленскэйтэн кыттыыны ылла. Кыайыылаахтар уонна призердар бэлиэ сувенирдарынан, бэлэх сертификаттарынан, дипломнарынан наҕараадаланнылар.
Кыттааччылар тэрээһин таһыма үрдүгүн бэлиэтээтилэр, онтон тэрийээччилэр «РНГ» АУо хампаанньатыгар махталларын биллэрдилэр.
Ыам ыйын 9 күнүгэр Санкт-Петербургтааҕы «Пансион воспитанниц Министерства обороны Российской Федерации» кадеттар корпустарыгар Кыайыы 80 сылыгар анаммыт музыкальнай фестиваль түмүктүүр кэнсиэрэ буолан ааста. Хампаанньа тэрээһиҥҥэ «Symphonica ARTica» Саха Өрөспүүбүлүкэтин филармониятын симфоническэй оркестра кыттыытыгар улахан өйөбүл буолла.
Өйөбүл "РНГ" АУо уонна Фабио Мастранджело музыкальнай искусство сайдыытын пуондатын кытта бииргэ үлэлэһэр докумуоннарыгар олоҕуран оҥоһулунна.
Убаастабыллаах коллегалар, партнердар, бар дьоммут!
Кыайыы 80 сылынан итии-истиҥ эҕэрдэтэ тутуҥ!
Тус бэйэҕитигэр, чугас дьоҥҥутугар кытаанах доруобуйаны, дьолу уонна ситиһиилэри баҕарабыт!
Хампаанньа үөрэх тэрилтэтин дьиэтин үлэтигэр, анал устаапка олоҕуран, үбүлээһини олохтоото.
Былаан быһыытынан көмө харчы профессорскай-преподавательскай састаап хамнаһын пуондатыгар ананыаҕа, маны сэргэ, административнай үлэһиттэр төлөбүрдэригэр, ИТ өйөөһүҥҥэ, транспортнай ороскуокка, үөрэх пособиеларынан хааччыйыыга туһаныллыаҕа.
2020 сыллаахтан «РНГ» АУо үөрэх тэрилтэтин күүскэ өйүүр. Россиятааҕы Экономическай Оскуола хампаанньаҕа хас да сыллаах үтүмэн элбэх көмөтүн уонна өйөбүлүн иһин махталын биллэрэр.
Убаастабыллаах коллегалар, партнердар, бар дьонум!
Саас уонна үлэ бырааһынньыгынан итии-истиҥ эҕэрдэтэ тутуҥ!
Эһиги үрдүк таһымнаах билиигит, түмсүүлээх үлэҕит, уопсай дьыалаҕа бэриниигит иһин махталбытын биллэрэбит.
Кытаанах доруобуйаны уонна ситиһиилэри баҕарабыт!
Саха Өрөспүүбүлүкэтигэр "РНГ" АУо үбүлээһининэн быйыл 4-с төгүлүн ыытыллар үөрэхтээһин эйгэтигэр бастыҥнары быһаарар күрэх түмүгүн үөрүүлээх быһыыга таһаардылар. Хампаанньа тэрээһин кылаабынай көҕүлээччитэ уонна Генеральнай партнера. Күрэх тэрийээччилэрэ СӨ үөрэх уонна наука министиэристибэтэ, СӨ Үүнэр көлүөнэтин тус сыаллаах пуондата.
Быйылгы сылга 458 педагог кыттыыны ылбыта, бу сыыппара ааспыт сыллааҕы көрдөрүүнү кытта тэҥнээтэххэ 17 % үрдүк. Анал хамыыһыйа быһаарыытынан 100 бастыҥ педагог 100-түү тыһыынча бириэмийэни ыллылар.
Бырааһынньыгынан итии-истиҥ эҕэрдэтэ тутуҥ!
Саха Сирэ – ураты кэрэ сирдэринэн, айылҕатын баайынан биллэр, төрүт үгэстэрин өрө тутар Россия биир бастыҥ уонна сэдэх региона.
Өрөспүүбүлүкэ олохтоохторугар дьолу-соргуну, ситиһиилэри уонна чэлгийэ сайдыыны баҕарабыт!
Болҕойун! Сонуну маассабайдык тарҕатар тэрилтэлэртэн эрэ киирбит иһитиннэриилэри көрөбүт.