Сонуннар

Хампаанньа Саха Өрөспүүбүлүкэтин Ил Дарханын Кубогар төрдүс төгүлүн ыытыллар саахымат турнирыгар партнер быһыытынан кыттыыны ылла. Быйылгы күрэхтэһии региоҥҥа саахымат хамсааһына 100 сыллаах үбүлүөйүгэр ананна.

Саамай мастааптаах улахан спортивнай тэрээһин 4 улахан турниры бииргэ түмтэ: эр дьоҥҥо саахымакка Арассыыйа турнирын Кубога, блиц уонна рапид (түргэн саахымат) күрэхтэһиилэрэ, маны сэргэ, саахымат композицияларын суоттааһыҥҥа күрэхтэһии.

Булчут бырааһынньыга Саха Өрөспүүбүлүкэтин Чуона нэһилиэгэр Арыылаах бөһүөлэгэр ыытылынна. Хампаанньа спортивнай күрэхтэргэ анал сыаналаах бириистэри туруорда.

Тыҥааһыннаах киирсиилэр, үгэс быһыытынан, Аччыгый Ботуобуйа өрүскэ муус үрдүгэр ыытылынна. Сүлдьүкээртэн, Арыылаахтан, Таас - Үрэхтэн уопсайа 6 хамаанда кыттыыны ылла.

Өрөспүүбүлүкэтээҕи булчут күнүн көрсө сылын ахсын ыытыллар тэрээһиннэр булчуттары өрө тутарга, төрүт спорт көрүҥнэрин сайыннарыыга уонна бэтэрээн булчуттары чиэстээһиҥҥэ туһуланаллар.

Убаастабыллаах коллегалар, партнердар, бар дьонум!

Идэлээх бырааһынньыккытынан - геолог күнүнэн итии-истиҥ төлөннөөх эҕэрдэ буолуохтун!

Баҕарабыт саҥа арыйыылары, кытаанах доруобуйаны, чугас дьоҥҥутугар уонна тус бэйэҕитигэр ситиһиилэри!

Хампаанньа Москваҕа кулун тутар 31 күнүттэн муус устар 1 күнүгэр диэри ыытыллыбыт үбүлүөйдээх тэрээһиннэргэ партнер быһыытынан кыттыыны ылла. Тэрээһин геология уонна сир баайын туһаныы эйгэтигэр үлэлиир экспертэри, былаас уорганнарын, маны сэргэ  Арассыыйа бизнеһын биир сиргэ түмтэ.

Хампаанньа Саха Өрөспүүбүлүкэтин Светлай бөһүөлэгэр баар водозаборга киирии суол хаарын анал тиэхиникэнэн ыраастаата.

Уу ылар сиргэ сатаан аналлаах массыына тиийбэт буолан уустуктар үөскээбиттэрэ. Нэһилиэк баһылыга көмөҕө наадыйан «РНГ» АУо салалтатыгар гусеничнай техниканан көмөлөһүн диэн сибээскэ тахсыбыта. Тута бу боппуруос салалта өттүттэн өйөбүл ылан, суол ыраастанан, кыһалҕа быһаарылынна.

Бииргэ үлэлэһии докумуонугар олоҕуран хампаанньа Саха сирин Мииринэй оройуонугар араас хайысхаларынан мэлдьи өйөбүл уонна көмө буолар.

Хампаанньа Саха Өрөспүүбүлүкэтин Таас -Үрэх нэһилиэгэр тутуллуохтаах балыыһа уонна полиция дьиэлэрин сирдэригэр кутуллар кытаанах матырыйаалынан уонна анал техниканан көмөлөстө.

«РНГ» АУо инженернай сулууспалара былассаакканы бэлэмнээн 300 кубометр долерит (быһа барыллаан 15 массыына) аҕалан куттардылар, уонна ол үрдүнэн отсыпка оҥордулар.

Мииринэй оройуонугар Таас-Үрэх нэһилиэгэр саҥа социальнай инфраструктура эбийиэктэрэ сотору кэминэн тутуллан үлэҕэ киириэхтэрэ - кулун тутар ыйтан тутуу үлэтэ саҕаланар.

Хампаанньа Саха Өрөспүүбүлүкэтин Мииринэй оройуонугар кыһыҥҥы-сааскы кэмҥэ айан суолларын уонна тротуардары халтараантан харыстыырга туһаныллар матырыйаалларынан хааччыйда.

Тэрилтэ 300 кубометр, быһа холоон 15 массыына, үлтүркэй тааһы куорат коммунальнай сулууспатын хааччыйыыга көрдө.

Күндү кэрэ аҥардар!

Ис сүрэхтэн Аан дойду дьахталларын күнүнэн итии-истиҥ эҕэрдэтэ тутуҥ!

Эһиги Аан дойдуну кэрэнэн симиигит, ураты нарын иэйиинэн толороҕут, дьолу эрэ түстүүгүт.

Эһиэхэ сааскы үтүө настырыанньаны, үтүөнү, ситиһиини баҕарабыт! Олоххут хас биирдии түгэнэ тапталынан толору буоллун, сылаас иэйиинэн илгийдин, дьолунан туоллун!

Олунньу 24 күнүттэн Саха Өрөспүүбүлүкэтин үөрэҕин тэрилтэлэрин уһуйааччыларын икки ардыгар бастыҥнары анал ааттарынан быһаарар күрэххэ сайаапкалары хомуйуу саҕаланна. Хампаанньа бырайыак көҕүлээччитэ уонна Генеральнай партнера.

2026 сыллаахха региоҥҥа куонкурус үбүлүөйдээх сезона ыытыллар. Күрэххэ үс сылтан кырата суох ыстаастаах, орто, уопсай, оскуола иннинээҕи саастаах оҕолору уһуйар идэтийбит уонна эбии үөрэхтээһин тэрилтэтин көрүҥүттэн тутулуга суох учууталлар кыттыыны ылыахтарын сөп.

Убаастабыллаах коллегалар, партнердар, бар дьонум!

Аҕа Дойдуну көмүскээччилэр күннэринэн эҕэрдэлиибин!

Кытаанах доруобуйаны, тус бэйэҕитигэр ситиһиини, табыллыыны баҕарабын!