Хампаанньа Саха Өрөспүүбүлүкэтин Мииринэй оройуонугар кыһыҥҥы-сааскы кэмҥэ айан суолларын уонна тротуардары халтараантан харыстыырга туһаныллар матырыйаалларынан хааччыйда.
Тэрилтэ 300 кубометр, быһа холоон 15 массыына, үлтүркэй тааһы куорат коммунальнай сулууспатын хааччыйыыга көрдө.
2026 сыл кыһына уларыйа сылдьар күннээх-дьыллаах буолан Мииринэйдээҕи ОДьКХ саас саҕаланыыта суолга кутар саппааһын барытын туһанан кэбиспит. Тахсыбыт быһыыга көмө көрдөөн куорат салалтата хампаанньаҕа сибээскэ тахсар, көрдөһүү түргэнник болҕомтоҕо ылыллан балаһыанньа быһаарылынна.
«РНГ» АУо – Мииринэй куорат уонна Мииринэй улууһун социальнай-экономическэй уонна инфраструктурнай улахан суолталаах бырайыактарыгар тутаах партнера. Бииргэ үлэлэһии анал докумуоннарыгар олоҕуран хампаанньа улууска, олохтоохторго уонна тэрилтэлэргэ быыстала суох көмө оҥорор.