Сонуннар

Хампаанньа Саха Өрөспүүбүлүкэтин Чуона нэһилиэгин административнай киинигэр Арыылаахха көмөлөстө, Аччыгый Ботуобуйа өрүскэ халаан уутуттан харыстыыр дамба тутуутугар тупсарыы үлэтин ыытта.

«РНГ» АУо-тан көмө көрдөөн нэһилиэк баһылыга Георгий Яковлев сибээскэ тахсыбыта. Быйыл саас Арыылаах нэһилиэгэ халаан уутугар улаханнык хаарыйтарбыта. Аччыгый Ботуобуйа хаатыттан тахсан олорор дьиэлэри, тиэргэннэри уу ылбыта. Нэһилиэк уонунан олохтооҕун кылгас кэмҥэ көһөрбүттэрэ.

РНГ хампаанньа бөлөҕө Саха Өрөспүүбүлүкэтин Ленскэй оройуонун дьаһалтатын кытта бииргэ үлэлэһии сөбүлэҥэр илии баттаста. Сөбүлэҥ болдьоҕо – биэс сыл.

Сөбүлэҥ оройуон сайдыытыгар көмө буолууга туһуланар. Бу докумуон чэрчитинэн социальнай, экологическай, культурнай уонна духуобунай эйгэлэргэ , маны таһынан үөрэхтээһини, спорду сайыннарыыга, доруобуйа харыстабылын, тыа хаһаайыстыбатын салааларыгар көмө буоларга тоҕоостоох буолуоҕа.

Хампаанньа Саха Өрөспүүбүлүкэтин Р.В Лонкунов аатынан 9 №-дээх Таас Үрэхтээҕи орто уопсай үөрэхтээһин оскуолатын кылаабынай кирилиэһин өрөмүөннүүргэ харчынан көмөлөстө.

Өрөмүөн үлэтигэр үктэллэрин уларыттылар уонна халтарыйбат бүрүөһүнү саҥартылар.

Хампаанньа Саха Өрөспүүбүлүкэтин Мииринэй оройуонун Сүлдьүкээр олохтооҕор, бэтэрээҥҥэ, дьиэтин өрөмүөннүүр матырыйаалын тиэйэргэ анал массыына көрөн улахан өйөбүл оҥордо.

«РНГ» АУо-ҕа матырыйаал тиэйэргэ көмө наадатын туһунан нэһилиэк дьаһалтата биллэрбит. Тутуу матырыйаалын Мииринэйтэн Сүлдьүкээр нэһилиэгэр тиэйэн аҕалбыттар.

«РНГ» АУо уонна Мииринэй оройуонун салалтата номнуо хаһыс да сылын биир ситимнээх үлэлииллэр. Бииргэ үлэлэһии докумуонугар олоҕуран оройуон олохтоохторугар араас хайысханан көмө уонна өйөбүл оҥоһуллар.

Хампаанньа Уус-Куттааҕы уу тырааныспарын үнүстүүтүгэр үлэлиир аһынан-үөлүнэн хааччыйыы кэмбинээтин материальнай уонна техническэй баазата тупсарыгар, саҥардылларыгар харчы көрдө.

Үөрэх тэрилтэтин салалтата «РНГ Снабжение» ХЭТ тэрилтэҕэ көмөҕө наадыйарын эппит. Бүгүҥҥү күҥҥэ үлэлиир оборудование эргэрэн уларыйыыга наадыйар. Хампаанньа өйөбүлүн көмөтүнэн үөрэх тэрилтэтэ остолобуой миэбэлин, ас буһарар оборудованиены, хаһаайыстыбаҕа туттуллар малы-салы атыыласпыт.

Хампаанньа Саха сирин Мииринэй оройуонун Светлай бөһүөлэгэр бөртөлүөт түһэр былассааккатын саҥардан оҥорон биэрдэ. Тэрилтэ олохтоох дьаһалта көрдөһүүтүн быһа гыммакка учаастакка кутуллар тааһынан (щебенка) уонна техниканан хаачччыйда.

Саха Өрөспүүбүлүкэтин Үүнэр көлүөнэ тус сыаллаах пуондатын кытта бииргэ үлэлэһии докумуонугар олоҕуран хампаанньа «Красный всадник» национальнай балет туруоруутугар анаан 3,5 мөлүйүөнтэн тахса суумма харчыны тыырда. Көрөөччүлэр испиктээкили Д.К. Сивцев-Суорун Омоллоон аатынан Судаарыстыбаннай опера уонна балет тыйаатырын сыанатыгар номнуо 2027 сыл сааһыгар көрүөхтэрэ.

Саҥа үөрэх сылыгар Хампаанньа Саха Өрөспүүбүлүкэтин Мииринэй оройуонун Таас -Үрэх нэһилиэгин 9-с нүөмэрдээх Р.В. Лонкунов аатынан уопсай үөрэхтээһин оскуолатын боруогун саҥа атыллыыр маҥнайгы кылаас үөрэнээччилэригэр көмө оҥордо.

«РНГ» АУо бэрэстэбиитэллэрэ оҕолорго рюкзак, атах таҥаһын уктар суумка уонна оскуола тээбириннэрин бэлэхтээтилэр.

Убаастабыллаах коллегаларым, партнердар, бар дьонум!

Ньиэп уонна гаас промышленноһын үлэһиттэрин күнүнэн итии-истиҥ төлөннөөх эҕэрдэтэ тутуҥ!

Бүгүн биһиги бу хайысха сайдыытыгар дьоһун кылааттарын киллэрэр, идэлэрин маастарыстыбатынан холобур буолар дьоммутун чиэстиибит. Эһиги үлэҕитигэр эппиэтинэстээх уонна бэриниилээх сыһыаҥҥыт көмөтүнэн үтүмэн элбэх ситиһиилээхпит, кэлэр сайдыыга бигэ эрэллээхпит.

Ньиэп хайысхатын сайдыытыгар киллэрэр дьоһун кылааккыт, үтүө суобастаах үлэҕит иһин ис сүрэхтэн махтанабын.

Быйылгы сылга «РНГ Снабжение» ХЭТ устар састаабыгар Уус-Куттааҕы уу тырааныспарын институтун 2-с уонна 3-с кууруһун устудьуоннара кыттыспыттара. 8 курсаан, рулевой-моторист идэтин ылааччылар, «Боец», «Витимец», «Морион» уонна «Виктория-1» суудуналарга стажировка аастылар.

Бастакы күнтэн саҕалаан устудьуоннар толору бырааптаах экипаж чилиэннэрэ буолбуттара. Практика уонна уһуйааччылар өйөбүллэринэн оҕолор өрүс флотун аныгы ньымаларын көмөтүнэн идэни толору баһылыырга үөрэннилэр.