Хампаанньа Саха Өрөспүүбүлүкэтин Мииринэй оройуонугар регионнааҕы техническэй колледж устудьуоннарыгар «Профессионал идущий» диэн квест ыытарга көмө буолла. Үөрэх тэрилтэтэ өрөспүүбүлүкэ колледжтарыттан биир бастакынан, Россияҕа орто үөрэхтээһин систиэмэтэ үбүлүөйдээх сылыгар анаммыт тэрээһиннэри ыытан саҕалаата.
Квестка 13 хамаанда күрэхтэстэ. Умсулҕаннаах оонньуу Мииринэйгэ промышленность сайдыытын историятын сырдатар сыаллаах «РНГ» АУо тэрилтэтин иннинээҕи былассааккаҕа саҕаланна. Бэриллибит бириэмэҕэ устудьуоннар бэриллибит сорудахтары толорон анаммыт сирдэринэн бараллар. Кыайыылаах «ТНТ» хамаанда устудьуоннара «горный техник-технолог» идэҕэ үөрэнэллэр.
«РНГ» АУо уонна Мииринэйдээҕи региональнай техническэй колледж маннык холбоһук тэрээһиннэри сотору-сотору тэрийэллэр. Исписэлиистэр устудьуоннары кытта уопут үллэстэллэр, эксперт быһыытынан идэ таһымын үрдэтэр куонкурстарга кытталлар, экскурсияларга уонна лекцияларга сылдьаллар. Колледж салалтата квест оонньуу ыытыытыгар көмө буолбутун иһин махталын биллэрдэ уонна «РНГ» АУо-ҕа үөрэх бырайыактарын олоххо киллэриини үрдүктүк сыаналаата.