Хампаанньа Саха Өрөспүүбүлүкэтин Чуона нэһилиэгин административнай киинигэр Арыылаахха көмөлөстө, Аччыгый Ботуобуйа өрүскэ халаан уутуттан харыстыыр дамба тутуутугар тупсарыы үлэтин ыытта.
«РНГ» АУо-тан көмө көрдөөн нэһилиэк баһылыга Георгий Яковлев сибээскэ тахсыбыта. Быйыл саас Арыылаах нэһилиэгэ халаан уутугар улаханнык хаарыйтарбыта. Аччыгый Ботуобуйа хаатыттан тахсан олорор дьиэлэри, тиэргэннэри уу ылбыта. Нэһилиэк уонунан олохтооҕун кылгас кэмҥэ көһөрбүттэрэ.
Нэһилиэги халаан уутуттан харыстыыр сыаллаах дамбаны тупсарар уонна бөҕөргөтөр үлэлэр бу курдук ыытылла тураллар. «РНГ» АУо гидротехническэй тутуулары бөҕөргөтөргө кумаҕынан, тааһынан (инертнай матырыйаалынан) хааччыйда.
«РНГ» АУо Саха Өрөспүүбүлүкэтин нэһилиэнньэлээх пууннарыгар айылҕа араас содулуттан харыстыыр, хоромньуну кыччатар бырайыактары олоххо киллэриигэ мэлдьи көмө буолар. Ааспыт сылга халаан уутуттан эмсэҕэлээбит Өймөкөөн улууһугар үбүлээһин оҥорон өйөбүл буолбута. Харчы улаханнык эмсэҕэлээбит олорор дьиэлэри чөлүгэр түһэриигэ туһуламмыта.
