История

Орто Ботуобуйа сиртэн хостонор баайдаах сир арыллар.

«РНГ» акционернай уопсастыба Орто Ботуобуйа илин хайысхатынан (газ, газовай конденсат, ниэп хостонор сирэ) сиртэн хостонор баайы туһаныыга анал бырааптаах буоларын ситиһэн, сиртэн хостонор оттуктары (углеводороднай сырьёну) чинчийиигэ уонна хостооһуҥҥа аһаҕас аукциоҥҥа кыайар.

«РНГ» акционернай уопсастыба Орто Ботуобуйатааҕы учаастак илин хайысхатыгар сир баайын туһанары көҥүллүүр лицензия ылар.

«РН КрасноярскНИПИнефть» ХЭТ 2011-2015 сс. лицензиялаах учаастак чэрчитигэр геологическэй чинчийии анал программатын оҥорон бэлэмниир.

2010-2011 сс. 2D ньыманан 400 килэмиэтиргэ сейсмологическэй чинчийии ыытыллар.

2011-2012 сс. кыһыҥҥы сезоҥҥа лицензионнай учаастакка 3D ньыманан 250 кв.км иэннээх сиргэ сейсмологическэй чинчийии ыытыллар. Бу учаастак бүттүүн иэнин 65% буолар.

Орто Ботуобуйа илин хайысхатыгар ыытыллыбыт чинчийии үлэтин бырайыага толору ситэр уонна бигэргэнэр.

501 уонна 502 нүөмэрдээх скважиналарга тутуу үлэтин саҕалыыр бырайыак оҥоһуллар уонна бигэргэнэр.

Сиртэн хостонор баайдаах сири тургутан көрүү бырайыага оҥоһуллар. Бырайыак тустаах тэрилтэлэр нөҥүө сөбүлэһиини ааһар. Ол иһигэр, РФ ниэп уонна газ хостонор сирдэрин иилиир Киин хамыыһыйатынан бигэргэнэр.

Хампаанньаҕа каадыр боппуруоһун быһаарыы үлэтэ куускэ саҕаланар.

Чинчийиллэр скважиналарга сири үүттээһиҥҥэ, үлэлиир тэтими үөрэтэр сыаллаах Halliburton уонна Weatherford бэдэрээччиттэри кытта холбоһуктаах үлэ барар.

Тургутан көрүү бырайыагын иитинэн сиртэн хостонор баайдаах сиргэ оҥоруу-тутуу, усулуобуйаны тэрийии үлэтэ саҕаланар.

ГРР программа түмүктэнэр, саппааһы ааҕыы барар.

РФ кылаабынай судаарыстыбаннай экспертизата Орто Ботуобуйа сирин оҥоруу бырайыагын бигэргэтэр.

“РНГ” АУо специалистара 1-кы нүөмэрдээх скважинаны буурдааһын үлэтин ситиһиилээхтик түмүктүүллэр. Уонна бу кэннэ киэҥ хабааннаах обустройство үлэтэ саҕаланар.

Лицензиялаах учаастактарга 2 ньиэптээх сири арыйдылар.

Ниэби хостооһуҥҥа уонна ВСТО систиэмэтигэр тиэрдээһиҥҥэ “старт” бэриллэр.

Орто Ботуобуйа илин хайысхатыгар баар сиртэн хостонор баайдаах сирдэр промышленнай туһаныыга толору киирэллэр.

Орто Ботуобуйа илин хайысхатыгар аан бастакытын мөлүйүөн туонна ниэп хостонор.

«РНГ» акционернай уопсастыба көмөтүнэн Саха Сиригэр икки улахан муоста үлэҕэ киирэр.

«РНГ» АУо быһаччы кыттыытынан Ленскэй оройуонугар Мурбайдааҕы лицензионнай учаастакка газ конденсатын хостуур сир арыллар. 2020 сыл ахсынньы 4 күнүгэр бу лицензионнай учаастакка И.М. Меньшиков аата иҥэриллэр.

«РНГ» АУо Саха сиригэр хостоммут нефть сүүс партиятын тыырбыта. Компания оҥорон таһаарбыт үбүлүөйүнэн " Транснефть – Порт Козьмино «ХЭО пордугар буолла.

Саха Республикатын баһылыга регион сайдыытыгар «РНГ» АУо кылаатын бэлиэтээтэ. Айсен Николаев компания үлэтин үрдүктүк сыаналаабыта, регион экономикатыгар суолталааҕын тоһоҕолоон бэлиэтээтэ.

Неби хостооһун кээмэйэ 3 мөл. тоннаҕа тиийдэ.

«РНГ» АУо – HeadHunter үлэнэн хааччыйааччылар рейтиннэрин финалиһа. Хампаанньа HeadHunter 200 бастыҥ тэрилтэтин ахсааныгар киирэн «Крупные компании» бөлөххө «Энергетика и добыча сырья» диэн бэйэтин хайысхатыгар 6 миэстэҕэ тигистэ.

Саха Өрөспүүбүлүкэтин правительствота «РНГ» АУо регион сайдыытыгар кылаатын үрдүктүк сыаналаата. Хампаанньа үлэһиттэригэр махтал суруктар уонна 3 үбүлүөйдээх сыл «100 лет Якутской АССР» бэлиэтэ туттарылынна.

«РНГ» АУо ойуурдары чөлүгэр туһэриигэ 160 мөлүйүөн сууммалаах үлэни ыытта. Үлэни бары түһүмэхтэринэн ыытарга «Российский центр защиты леса» федеральнай тэрилтэни кытары дуогабар түһэрсиллибитэ. Бииргэ үлэлэһии сөбүлэҥэр олоҕуран 640-тан тахса га иэннээх сиргэ чөлүгэр түһэрии үлэтэ ыытылынна.

«РНГ» АУо «Кубок Главы Республики Саха (Якутия)» диэн ааттаммыт саахымакка эр дьон икки ардыгар ыытыллар Россия Кубогын түһүмэҕин өйөөтө. Региоҥҥа бу спорт көрүҥүн сайдыытын историятыгар маннык киэн хабааннаах күрэхтэһии аан бастакытын үрдүк таһымҥа ыытылынна. Турнирга уопсайа 60 спортсмен кыттыыны ылла.

«РНГ» АУо Саха сирин өрүстэригэр 1 мөлүйүөнү куоһарар быраҥаатта балык ыаматын ыытта. Исписэлиистэр балык ыаматын Бүлүүтээҕи водохранилище боротуокатыгар – Аанньаах өрүскэ тарҕаттылар. Тустаах үлэһиттэр балыктары кислородунан үлүннэриллибит анал полиэтиленовай пакеттарга уган аҕалаллар.

Мииринэйгэ «РНГ» АУо көмөтүнэн тутуллубут саҥа оҕо оонньуур былассаакката арылынна. Бары саҥа аныгы ирдэбилгэ эппиэттиир оҕо оонньуур, сынньанар сирэ Тихонов аатынан уулуссаҕа дьэндэйдэ. Былассааккаҕа, 1870 квадратнай миэтирэ иэннээх сиргэ, оонньуур комплекстар, сыырдар, хачыаллар, спортивнай тэриллэр уонна оҕо саамай сөбүлээн оонньуур кумахтаах сирэ бааллар.

«РНГ» АУо VIII төгүлүн ыытыллар норуоттар икки ардыларынааҕы "Азия оҕолоро" оонньуулар региональнай партнера. Оонньууларга 3000 тахса спортсмен 26 араас дойдуттан уонна 6 Россия Федеральнай уокуруктарыттан кыттыыны ылар.

Хампаанньа «Symphonica ARTica» Саха Өрөспүүбүлүкэтин Судаарыстыбаннай филармониятын симфоническэй оркестрын Сочи куоракка «Весенний музыкальный фестиваль в Сириусе» иитинэн ыытыллыбыт кэнсиэригэр кыттыыны ылыытыгар харчынан көмөлөстө.

«РНГ» АУо уонна Россиятааҕы Кыһыл Кириэс көһүүгэ күһэллибит Курскай уобалас олохтоохторугар харчынан көмөлөстө. Көмө харчынан бастакы кэмҥэ туһаныллар мал-сал, бородуукта, утуйар таҥас-сап, атыылаһыллан туһааннаах дьоҥҥо тиксэрилиннэ.

Хампаанньа Саха сиригэр ойууру чөлүгэр түһэриигэ көҕүлээһини өйөөтө. Уопсайа 56 тыһыынчаттан тахса бэс маһы 27,9 га иэннээх сиргэ олортулар.

«РНГ» АУо Россиятааҕы театральнай искусство институтун театральнай оскуолата Саха сиригэр тэрээһинин уонна Саха сиринээҕи Арктическэй искусство институтун уонна ГИТИС холбоһуктаах бырайыактарын өйөөтө.

Хампаанньа төрдүс сылын норуоттар икки ардыларынааҕы «Экология – дело каждого» оҕо уонна ыччат бириэмийэтин туттарыыны тэрийэр. Бу бириэмийэ Россия уонна 78 араас дойдулары түмэр.

«РНГ» АУо Мииринэй куорат травматология отделениетыгар көмө оҥордо. Уопсайа 2 мөлүйүөн сууммалаах медицинскэй инструмент сакаастанан, атыылаһыллан бэлэх быһыытынан туттарылынна.

Хампаанньа «Symphonica ARTica» Саха Өрөспүүбүлүкэтин Судаарыстыбаннай филармониятын симфоническэй оркестра Кыайыы 80 сылыгар анаммыт «Дороги Победы» фестивальга кыттыыны ылыытыгар харчынан өйөбүл буолла.

Саха сиригэр үөрэхтээһин эйгэтин өйүүр сыаллаах 4-с төгүлүн "РНГ" АУо өйөбүлүнэн уонна көҕүлээһининэн ыытыллар куонкурус түмүгүн таһаардылар. 2025 сыллаахха 458 сайаапка киирбит, бу ааспыт сыллааҕар 17 % үрдүк.

Россиятааҕы экономическэй оскуола партнердарын түмэр тэрээһинигэр «РНГ» АУо «За бесценный вклад в развитие науки и образования России» диэн бэлиэнэн наҕараадаланна.