Хампаанньа Саха Өрөспүүбүлүкэтин Р.В Лонкунов аатынан 9 №-дээх Таас Үрэхтээҕи орто уопсай үөрэхтээһин оскуолатын кылаабынай кирилиэһин өрөмүөннүүргэ харчынан көмөлөстө.
Өрөмүөн үлэтигэр үктэллэрин уларыттылар уонна халтарыйбат бүрүөһүнү саҥартылар.
«Оскуолаҕа киирии тупсубутун таһынан, өссө оҕолорго кутталы үөскэппэт буолла. Биһиги ис сүрэхпититтэн «РНГ» АУо-ҕа көмөлөрүн иһин уонна биһиги тыа сиригэр үлэлиир оскуолабыт кыһалҕаларыгар мэлдьи өйөбүл буоларыгар махталбытын биллэрэбит. Хампаанньа үүнэр көлүөнэ ыччакка кыһамньылаах сыһыанын хаста да бигэргэтэн турар уонна үөрэхтээһин көҕүлээһиннэрин мэлдьи өйүүр. Бүгүҥҥү өрөмүөн үлэтэ эмиэ оҕоҕо үөрэнэр, сайдар усулуобуйаны тупсарыыга, үөрэнээччи күннээҕи олоҕор туһааннаах тупсаҕай эйгэни тэрийиигэ улахан кылаат буолар», – диэн оскуола салалтата бэлиэтээн эттэ.
Үөрэх тэрилтэтигэр көмө хампаанньа уонна Мииринэй оройуона бииргэ үлэлэһиилэрин докумуонугар олоҕуран оҥоһулунна.
