РНГ хампаанньа бөлөҕө Саха Өрөспүүбүлүкэтин Ленскэй оройуонун дьаһалтатын кытта бииргэ үлэлэһии сөбүлэҥэр илии баттаста. Сөбүлэҥ болдьоҕо – биэс сыл.
Сөбүлэҥ оройуон сайдыытыгар көмө буолууга туһуланар. Бу докумуон чэрчитинэн социальнай, экологическай, культурнай уонна духуобунай эйгэлэргэ , маны таһынан үөрэхтээһини, спорду сайыннарыыга, доруобуйа харыстабылын, тыа хаһаайыстыбатын салааларыгар көмө буоларга тоҕоостоох буолуоҕа.
2026–2027 сылларга холбоһуктаах тэрээһиннэр былааҥҥа киирэн тураллар. Ол иһигэр Мииринэй уонна Ленскэй оройуоннарын икки ардыгар, кыраныыссалаһар сиргэ турар «Ленскэй оройуона» стела тутуута.
Маны таһынан, РНГ хампаанньа бөлөҕө 2027 сылга Ленскэй оройуонугар ыытыллыахтаах үбүлүөйдээх Өрөспүүбүлүкэтээҕи Олоҥхо ыһыаҕын тэрээһинигэр көхтөөх кыттыыны ылыаҕа.
Сөбүлэҥ чэрчитинэн номнуо улууска үлэлэр ыытылла тураллар. Ол курдук, Ленскэй оройуонун Бэчинчэ нэһилиэгэр дэриэбинэ иһинээҕи суоллары кутуу уонна тэҥнээһин ыытылынна.
