12 ноября 2025
Хампаанньа I–IV кылаас кутталлаах бөҕү кытта үлэлиир кыахтаах лисиэнсийэтин толору сөпкө туһанарын дакаастаата.
«РНГ» АУо докумуоҥҥа уонна лисиэнсийэ бэрэбиэркэтин ситиһиилээхтик ааста, I–IV кылаас кутталлаах бөҕү таһыыга, утилизациялааһыҥҥа, киһи доруобуйатыгар куттала суох гына харайыыга, хомуйааһыҥҥа ыытар үлэтэ толору лицензионнай ирдэбилгэ эппиэттиирин бигэргэттэ.
Федеральнай сокуоҥҥа олоҕуран бу кутталлаах бөҕү кытта үлэлиир тэрилтэлэр хайаан да бэрэбиэркэни ааһыахтаахтар, бу маннык бэрэбиэркэлэр киһи олоҕор куттал суоһаабатын туһугар ыытыллаллар.
Бэрэбиэркэ үлэтэ хас 3 сыл ахсын, лисиэнсийэ болдьоҕо бүтүүтүгэр оҥоһуллар.