Сонуннар

Саха Өрөспүүбүлүкэтигэр саха тылын уонна суругун-бичигин декадата киин куоракка саҕаланна. Быйылгы тэрээһин 2026 сылга Арассыыйаҕа биллэриллибит сомоҕолоһуу уонна Саха сиригэр култуура сылларыгар ананна.

«РНГ» АУо бэрэстэбиитэлэстибэтин үлэһиттэрэ декада аһыллыытыгар Д. К. Сивцев – Суорун Омоллоон аатынан опера уонна балет Судаарыстыбаннай тыйаатырыгар үөрүүлээх тэрээһиҥҥэ кыттыыны ыллылар.

Хампаанньа «Энергетика и добыча сырья» хайысхаҕа орто ахсааннаах үлэһиттээх тэрилтэлэр икки ардыларыгар 10-с миэстэни ылла. «РНГ» АУо ааспыт сыллааҕы көрдөрүүтүн тупсаран тута испиэһэк икки үктэлин дабайда.

2026 сыл тохсунньу ыйыттан хампаанньа техникаларыгар уонна оҥорон таһаарар эбийиэктэригэр дизельнай уматык кырааскатын маркировкалааһын эбэһээтилинэй буолла. Корпоративнай транспорт кыһыл маркердаах дизельнай уматыкка көстө.

Хампаанньа Таас-Үрэх нэһилиэгэр бырааһынньыктааҕы өрөбүллэр кэмнэригэр бөҕү таһыыга көмө буолла.

Бөҕү тиэйиигэ аналлаах тиэхиникэни уларсарга Ботуобуйа нэһилиэгин баһылыга «РНГ» АУо салалтатыттан көмө көрдөспүт. Тэрилтэ күүһүнэн нэһилиэк иһиттэн, социальнай эбийиэктэртэн бары кытаанах бөх тиэллэн, аналлаах сиргэ быраҕыллыбыт.

Убаастабыллаах коллегалар, партнердар, бар дьонум!

Үүнэр саҥа сылынан уонна Ороһооспонон итии-истиҥ төлөннөөх эҕэрдэтэ тутуҥ!

Ааһан эрэр сыл чаҕылхай социальнай, культурнай уонна экологическэй көҕүлээһиннэринэн умнуллубат түгэннэри хаалларда. «РНГ» АУо үрдүк таһымнаах идэтийбит хамаандатын көмөтүнэн туруоруллубут сыаллары ситиһэргэ эрэллээхтик иннин диэки хардыылыыр.

Хампаанньа коллективыгар түмсүүлээх үлэҕит иһин улахан барҕа махталбын тиэрдэбин.

Хампаанньа ыксаллаах быһыыга түбэспит олохтоохторго аварийнай генератордар үлэлэрин хааччыйыыга дизельнай уматык тиэртэ.

«РНГ» АУо салалтатыгар көмөҕө наадыйан Бэчэнчэ нэһилиэгин баһылыга сибээскэ тахсыбыта. Санатан эттэххэ, Саха Өрөспүүбүлүкэтин Ленскэй оройуонун Бэчэнчэ нэһилиэгэр саахал тахсан уотунан хааччыллыыга уустуктары көрсүбүттэрэ. Чөлүгэр түһэрии үлэтэ барар кэмигэр, хас да күн устата, олохтоохтор аварийнай дизельнай генератор көмөтүнэн уоттанан олорбуттара.

Хампаанньа 2025 сылга халаан уутуттан эмсэҕэлээбит нэһилиэнньэлээх пууннары чөлүгэр түһэриигэ харчынан көмөлөстө.

Материальнай көмө халаантан эмсэҕэлээбит дьиэлэри, хаһаайыстыбаннай тутуулары  чөлүгэр түһэрэр матырыйааллары ылыыга, өрөмүөн оҥорорго көрүлүннэ.

Ааспыт сайын үһүн ардахтартан сылтаан Өймөкөөн оройуонугар хас да нэһилиэк ууга былдьаммыта. Олорор дьиэлэр, социальнай уонна транспортнай инфраструктура эбийиэктэрэ урусхалламмыттара. Уопсайа 1200-тэн тахса киһи эмсэҕэлээбитэ, олорор дьиэлэр суох хаалбыттара.

II Дальневосточнай сир баайын туһаҕа таһаарааччылар пуорумнара, Уһук Илин уокурук төрүттэммитэ 25 сылыгар ананан, Дьокуускай куоракка ыытылынна.

Тэрээһин сир баайын туһанааччылары, былаас уорганнарын, научнай эйгэни уонна общественнай хамсааһыннары түмтэ. Кыттааччылар регион минеральнай-сырьевой комплексын кэскиллээх салааларын сайдыытын туһунан кэпсэттилэр.

Хампаанньа 5 сылын Роспироднадзор тэрийэн ыытар бырайыагын партнера буолар. Бириэмийэ сыл ахсын ыытыллар уонна доруобуйа харыстабылыгар, тулалыыр эйгэҕэ сыһыаннаах интэриэһинэй бырайыактарга, көҕүлээһиннэргэ ананар.

Саха Өрөспүүбүлүкэтигэр «РНГ» АУо кииннээн үлэлиир, сиртэн хостонор баайдаах сирдэригэр, үлэһиттэргэ анаммыт 200 миэстэлээх аныгы, тупсаҕай уопсай дьиэлэр тутуллан үлэҕэ киирдилэр. Икки этээстээх олорор комплекстарга, Соҕуруу Сүлдьүкээрдээҕи лицензионнай учаастакка уонна Орто Ботуобуйа Илиҥҥи блогун ньиэп, гаас конденсата хостонор сирдэригэр, үлэһиттэр номнуо олохсуйдулар.