Саха Өрөспүүбүлүкэтигэр саха тылын уонна суругун-бичигин декадата киин куоракка саҕаланна. Быйылгы тэрээһин 2026 сылга Арассыыйаҕа биллэриллибит сомоҕолоһуу уонна Саха сиригэр култуура сылларыгар ананна.
«РНГ» АУо бэрэстэбиитэлэстибэтин үлэһиттэрэ декада аһыллыытыгар Д. К. Сивцев – Суорун Омоллоон аатынан опера уонна балет Судаарыстыбаннай тыйаатырыгар үөрүүлээх тэрээһиҥҥэ кыттыыны ыллылар.
Олунньу 12 күнүттэн 21 күнүгэр диэри уопсайа 20-тэн тахса араас тэрээһиннэр ыытыллыахтара. Декада чэрчитинэн хампаанньа исписэлиистэрэ саха тылын харыстыыр уонна үйэтитэр сыаллаах ыытыллар «Сахалыы дьыктаан» аахсыйаҕа кыттыыны ылыахтара.
«РНГ» АУо Өрөспүүбүлүкэ таһымнаах култуура уонна ускуустуба тэрээһиннэрин мэлдьи өйүүр. Регион култуурунай уонна историческэй нэһилиэстибэтин харыстааһыҥҥа туһуламмыт көҕүлээһиннэри тус өйөбүлэ суох хаалларбат.
Саха Өрөспүүбүлүкэтигэр төрөөбүт тыл уонна сурук-бичик күнэ олунньу 13 күнүгэр бэлиэтэнэр. Бэлиэ күн 1996 сыллаахха саха бастакы букубаарын төрүттээбит, сахаттан бастакы лингвист Семен Новгородов төрөөбүт күнүгэр ананан тэриллибитэ.