Убаастабыллаах коллегалар, партнердар, бар дьоммут!
Ис сүрэхпититтэн норуот сомоҕолоһуутун бырааһынньыгынан итиитик-истиҥник эҕэрдэлиибит!
Тус бэйэҕитигэр уонна дьиэ кэргэҥҥитигэр дьолу, ситиһиини, кытаанах доруобуйаны баҕарабыт!
Хампаанньа устудьуоннар олорор уопсай дьиэлэригэр мебель атыылаһан биэрдэ.
Усть-Кут куоратыгар баар Сибирдээҕи уу тырааныспарын судаарыстыбаннай университетын филиала – өрүс суудуналарын туһаныыга техниктары уонна флот састаабын бэлэмнээн таһаарыыга дойду биир инники күөҥҥэ сылдьар үөрэҕин кыһата буолар. Институт үлэлээбит сылларын тухары уопсайа 9000 тыһыынчаттан тахса исписэлииһи бэлэмнээн таһаарда. Бүгүҥҥү күҥҥэ үөрэх кыһатыгар 516 устудьуон үөрэнэр.
Хампаанньа тэрилтэ көрүүтүгэр-истиитигэр сылдьар ыарыһахтарга анаан медицинскэй оборудование уонна киниэхэ наадалаах расходнай матырыйааллары атыылаһарга анаан үбүлээһини оҥордо.
“Дом с маяком” аһымал пуонда Москва уонна Москва уобалаһыгар баар оҕо уонна эдэр ыччат хоспистарын кытта үлэлэһэр. Бу хоспистарга, уопсайа, көмөҕө уонна өйөбүлгэ наадыйар 800-тэн тахса дьиэ кэргэн баар.
Бырайыак Россиятааҕы театральнай искусство института (ГИТИС) уонна Саха сиринээҕи культура уонна духуобунай сайдыы министиэристибэтэ бииргэ үлэлэһиилэрин түмүгэр, хампаанньа харчынан көмөтүгэр олоҕуран олоххо киирэр.
ГИТИС устудьуоннара Евгения Тикиджи-Хамбурьян уонна Василиса Кутузова Арктическэйдээҕи культура уонна искусство институтугар «Жалость» дипломнай испиктээкили туруорарга көмөлөһүөхтэрэ. Испиктээкилгэ устудьуоннар уһуйааччыларын кытары сүрүн оруоллары толоруохтара.
Саха сиринээҕи үүнэр көлүөнэ тус суаллаах пуондатын кытары бииргэ үлэлэһии докумуонугар олоҕуран, хампаанньа, үөрэхтээһин хайысхатын бастыҥнарыгар бириэмийэ олохтуурга анаан үбүлээһини оҥордо. Ол курдук, сыл бүтэһигэр диэри 100 бастыҥ учуутал 100 тыһыынча харчынан бириэмийэлэниэҕэ.
Куонкуруска кыттыыны сүрүн уонна эбии үөрэхтээһиҥҥэ үлэлиир программалары олоххо киллэрэр, ол иһигэр үөрэх кыһатын көрүҥүттэн тутулуга суох наставничество программалара киирэллэр, үс сылтан кырата суох ыстаастаах учууталлар ылыахтарын сөп.
Хампаанньа үөрэх кыһатыгар станок-качалка макетын бэлэхтээтэ.
2 миэтирэттэн тахса уһуннаах конструкция Светлай бөһүөлэгэр баар Мииринэйдээҕи региональнай техническэй колледж иннигэр бочуоттаах миэстэтин булла. Манна ньиэп уонна гаас хайысхатын исписэлиистэрин бэлэмнээн таһаараллар.
Тэрээһин хампаанньа уонна Мииринэй оройуонун булчуттарын, балыксыттарын түмсүүтүн икки ардыгар түһэрсиллибит бииргэ үлэлэһиигэ анаммыт сөбүлэҥ докумуонугар олоҕуран ыытылынна.
Аахсыйа чэрчитинэн, икки өттүттэн тэрилтэ бэрэстэбиитэллэрэ Бүлүү өрүс биэрэгин уонна ол аттынааҕы территорияны бөхтөн-сыыстан ыраастаатылар. Аахсыйа түмүгүнэн «РНГ» АУо бэйэтин техникатынан 10 м3 бөҕү кытаанах бытовой отход (ТБО) полигонугар тиэйэн илдьэн сүөкээтэ.
Тэрээһиҥҥэ Мииринэй куорат баһылыга Алексей Тонких, хампаанньа салалтата уонна куорат олохтоохторо кыттыыны ыллылар.
Аныгы тутуулаах былассаакка Тихонов аатынан уулуссаҕа дьэндэйдэ. Тутууга сүрүн үлэни хампаанньа иһинэн үлэлиир тэрилтэ оҥордо. Кылгас кэм иһигэр араас саастаах оҕолорго анаммыт аныгы оонньуур, сынньанар сир хаачыстыбаны үрдүк таһымҥа тутан оҥоһуллан таҕыста.
Убаастабыллаах коллегалар, партнердар, бар дьонум!
Ньиэп уонна гаас промышленноһын үлэһиттэрин идэлээх бырааһынньыктарынан итии-истиҥ эҕэрдэтэ тутуҥ!
«РНГ» АУо өр сыллар устата үрдүк таһымнаах көдьүүстээх үлэни көрдөрдө, аныгы технологиялары туһанан производствоны саҥардыыга ылсар, үлэ хабаанын кэҥэтэр, Саха Өрөспүүбүлүкэтин территориятыгар улахан суолталаах инфраструктурнай бырайыактары олоххо киллэрэр, социальнай уонна экологическай көҕүлээһиннэри сайыннарар.
Хампаанньа социальнай-экономическэй сөбүлэҥҥэ олоҕуран Мииринэй оройуонун «Ботуобуйа» уонна «Сулакыыт» общиналарыгар харчынан көмөлөстө.
Көрүллүбүт харчыны аҕыйах ахсааннаах хотугу норуот бэрэстэбиитэллэрэ бултуур сирдэрин көрүүгэ-истиигэ анаан вездеходнай техника уонна уматык атыылаһарга туһаныахтара. Бу иннинэ, эмиэ көмө харчынан, «Ботуобуйа» түмсүү бэрэстэбиитэллэрэ Таас-Үрэххэ ыһыах түһүлгэтигэр аҕыйах ахсааннаах норуот олоҕун-дьаһаҕын билиһиннэрэр, үгэстэри кэпсиир анал ураһа туппуттара.