Саха Өрөспүүбүлүкэтин Мииринэй оройуонугар парашютунан чопчу биир сиргэ ыстанан түһүүгэ күрэх ыытылынна. Александр Меньшов, «Феникс» парашютнай кулууп бэрэссэдээтэлин солбуйааччы уонна «РНГ» АУо үлэһитэ турнир тэрийээччитин эрэ быһыытынан буолбакка парашютист-спорсменнарга 2-с бириистээх миэстэни ылары ситистэ.
Хампаанньа сыаналаах бэлэхтэрин Мииринэй оройуонун Таас -Үрэх нэһилиэгин Р.В.Лонкунов аатынан орто анал оскуоланы бүтэрээччилэргэ туттарда. Быйылгы сылга үөрэх тэрилтэтин биэс киһи үөрэнэн бүтэрдэ.
Үөрүлээх линейкаҕа «РНГ» АУо бэрэстэбиитэлэ оскуола үөрэнээччилэрин эҕэрдэлээтэ уонна HONOR планшеттары туттарда.
Хампаанньа уу биоресурсаларын искусственнай буоһатыы программатын салгыы олоххо киллэрэр. «РНГ» АУо экологтара Саха Өрөспүүбүлүкэтигэр Бүлүүтээҕи водохранилищеҕа 800 тыһыынча балык ыаматын ыыттылар. Бу сыаннай боруода балыктарга киирсэр. Быйылгы сыллааҕы көрдөрүү урукку сыллардааҕар 4 төгүл курдугунан элбэх.
Хампаанньа «OFF ROAD FEST 2025» диэн куһаҕан суолунан айанныыр массыыналар күрэстэрин тэрийэргэ үбүлээһини оҥордо. Тэрээһин Мииринэй автодромугар ыытылынна уонна Россия күнүгэр, «Медведь» автокулууп 15 сылыгар ананна.
Күрэхтэһиигэ Мииринэйтэн уонна Ленскэйтэн 14 экипаж кыттыыны ылла. Уопсайа түргэн айанньыттар 3 бөлөххө арахсан куоталастылар. 2 лиитирэҕэ диэри кээмэйдээх мотуордаах внедорожниктар, 3 лиитирэҕэ диэри уонна 3-тэн үөһэ кээмэйдээх массыыналар кыттыыны ыллылар.
Убаастабыллаах коллегалар, партнердар, бар дьоммут!
Россия күнүнэн итии-истиҥ эҕэрдэтэ тутуҥ.
Эһиэхэ баҕарабыт кытаанах доруобуйаны, ситиһиилэри уонна табыллыыны!
Курсааннар хампаанньа бас билиитигэр сылдьар «Виктория-1», «Боец», «Витимец» уонна «Марион» теплоходтарга анал практическэй үөрэхтэри ааһаллар. Устудьуоннар рулевой-моторист дуоһунастарыгар хамнастаах үлэнэн хааччыллан навигация түмүктэниэр диэри стажировкаланыахтара.
AK&M ааҕыныстыба хампаанньа национальнай рейтинговай шкалатыгар үчүгэй сыанабылы биэрдэ. «А» рейтинг диэн «РНГ» АУо бигэ туругунан Россия хампаанньаларын икки ардыгар үрдүк көрдөрүүлээҕин туоһулуур.
Бэлиэтээн этиллибитинэн, «РНГ» АУо тулалыыр эйгэҕэ эппиэтинэстээх сыһыана, корпоративнай управление ситиһиилэрэ, региональнай былаастары, олохтоох түмсүүлэри кытта көдьүүстээхтик бииргэ үлэлэһиитэ үрдүктүк сыаналаммыт.
«Виктория-1», «Витимец», «Морион» уонна «Боец» теплоходтар Өлүөнэ өрүһүнэн бастакы рейстэригэр туруннулар. Кинилэр Саха сиригэр кииннээн үлэлиир «РНГ» АУо тэрилтэтигэр анаммыт техническэй таһаҕас уонна үлэни хааччыйыыга ас-үөл тиэннилэр.
Суудуналар айаннара үгэс быһыытынан Иркутскай уобалас Усть-Кут куорат Осетрово пордуттан саҕаланар уонна Саха Өрөспүүбүлүкэтин Лэнскэй куоратыгар түмүктэнэр. Айан уопсай уһуна бара-кэлэ 2000 килэмиэтир кэриҥэ.
Хампаанньа Кыайыы 80 сылыгар анаммыт Мииринэй оройуонугар интеллектуальнай спорт көрүҥэр (саахымакка уонна дуобакка) анаммыт бастакы турниры тэрийиигэ көмө буолан тэрээһиҥҥэ харчынан көмөлөстө.
Турнирга 5-тэн 18-гар диэри саастаах 150 эдэр спортсмен Мирнэйтэн, Удачнайтан, Ленскэйтэн кыттыыны ылла. Кыайыылаахтар уонна призердар бэлиэ сувенирдарынан, бэлэх сертификаттарынан, дипломнарынан наҕараадаланнылар.
Кыттааччылар тэрээһин таһыма үрдүгүн бэлиэтээтилэр, онтон тэрийээччилэр «РНГ» АУо хампаанньатыгар махталларын биллэрдилэр.
Ыам ыйын 9 күнүгэр Санкт-Петербургтааҕы «Пансион воспитанниц Министерства обороны Российской Федерации» кадеттар корпустарыгар Кыайыы 80 сылыгар анаммыт музыкальнай фестиваль түмүктүүр кэнсиэрэ буолан ааста. Хампаанньа тэрээһиҥҥэ «Symphonica ARTica» Саха Өрөспүүбүлүкэтин филармониятын симфоническэй оркестра кыттыытыгар улахан өйөбүл буолла.
Өйөбүл "РНГ" АУо уонна Фабио Мастранджело музыкальнай искусство сайдыытын пуондатын кытта бииргэ үлэлэһэр докумуоннарыгар олоҕуран оҥоһулунна.