Хампаанньа «Symphonica ARTica» Саха Өрөспүүбүлүкэтин Судаарыстыбаннай филармониятын симфоническэй оркестра Кыайыы 80 сылыгар анаммыт "Дороги Победы" фестивальга кыттыыны ылыытыгар өйөбүлү оҥордо.
Көмө «РНГ» АУо уонна Фабио Мастранджело музыкальнай искусство сайдыытын пуондатын кытары бииргэ үлэлэһиитин докумуонугар олоҕуран оҥоһулунна.
Убаастабыллаах коллегалар, партнердар, бар дьонум!
Аҕа Дойдуну көмүскээччилэр күннэринэн эҕэрдэлиибин!
Кытаанах доруобуйаны, тус бэйэҕитигэр ситиһиини, табыллыыны баҕарабын!
Хампаанньа – тэрээһин көҕүлээччитэ уонна Генеральнай партнера. Саха Өрөспүүбүлүкэтин Үүнэр көлүөнэ тус сыаллаах пуондатын кытта бииргэ үлэлэһии чэрчитинэн холбоһуктаах бырайыак түмүгүнэн 100 бастыҥ учууталга бириэмийэ биэрэргэ үбүлээһин көрүллэр.
Сайаапкалары хомуйуу 2025 сыл кулун тутар 3 күнүттэн саҕаланар. Куонкуруска уопсай, орто уонна оскуола иннинээҕи саастаах оҕолорго, 3 сылтан кырата суох ыстаастаах, тэрилтэ көрүҥүттэн тутулуга суох идэлээх уонна эбии үөрэхтээһин исписэлиистэрэ кыттыахтарын сөп.
Хампаанньа «Энергетика и добыча сырья» хайысхаҕа 12-с миэстэни ылары ситистэ. HeadHunter Россия бастын үлэнэн хааччыйар тэрилтэлэрин быһаарар рейтинг оҥоруутунан хаһыс да сылын дьарыктанар. Анал балл ахсаанынан хампаанньа өссө биирдэ финалга тахсары ситистэ.
Хампаанньа Мииринэйдээҕи киин балыыһаҕа аныгы ирдэбилгэ толору эппиэттиир 2 стационарнай компьютеры уонна медицинскэй хамыыһыйалары ыытарга ноутбук атыылаһан көмө оҥордо.
«РНГ» АУо бу курдук балыыһа үлэтин мэлдьи өйүүр. Эмп атыылаһыытыгар, медицинскэй оборудованиенан уонна расходнай матырыйаалларынан хааччыйыыга сүҥкэн көмөлөөх.
Мииринэйдээҕи киин балыыһа - куорат нэһилиэнньэтигэр доруобуйаны чөлүгэр түһэриигэ үрдүк хаачыстыбалаах өҥөнү оҥорор биир соҕотох медицинскэй тэрилтэ буолар
Хампаанньа нэһилиэк дьонугар ыраас уу тиэрдэн биэрдэ.
Саха сирин Мииринэй оройуонун Сүлдьүкээр нэһилиэгэ - эбэҥки хотугу аҕыйах ахсааннаах норуот түөлбэлээн олохсуйан олорор нэһилиэгэ буолар. Кииннэммит уу ситимэ нэһилиэккэ суох, уу чугас өрүстэн ылыллар.
Тохсунньуга нэһилиэк дьонугар иһэр уу кыһалҕата сытыытык турда. Онуоха Сүлдьүкээр нэһилиэгин баһылыга «РНГ» АУо салалтатыгар үөскээбит быһыыны биллэрэн, көмө көрдөспүтүн хампаанньа салалтата тута сөбүлэстэ.
Ааспыт сыл бүтэһигэр хампаанньа Россиятааҕы Кыһыл Кириэс тэрилтэ испиэһэгэр олоҕуран, көһүүгэ күһэйиллибит олохтоохторго харчынан көмөлөстө. Ол курдук, «РНГ» АУо салалтатын быһаарыытынан көмө сууммата улаатан 2 мөлүйүөн 600-тэн тахса тыһыынчаҕа тэҥнэстэ.
Убаастабыллаах коллегалар, партнердар, бар дьонум!
Үүнэр саҥа сылынан уонна Ороһооспонон итии-истиҥ төлөннөөх эҕэрдэтэ тутуҥ!
Ааһан эрэр сыл чаҕылхай социальнай, культурнай уонна экологическэй көҕүлээһиннэринэн умнуллубат түгэннэри хаалларда. «РНГ» АУо үрдүк таһымнаах идэтийбит хамаандатын көмөтүнэн туруоруллубут сыаллары ситиһэргэ эрэллээхтик иннин диэки хардыылыыр.
Хампаанньа коллективыгар түмсүүлээх үлэҕит иһин улахан барҕа махталбын тиэрдэбин.
Хампаанньа 2 мөлүйүөнтэн тахса сууммалаах медицинскэй инструменнары атыылаһыыга уонна тиэрдэн биэрии үлэтин тэрийэр.
Көмө Мииринэй оройуонун киин балыыһатын травматология отделениетыгар оҥоһуллар. Атыылаһыллар инструменнар өттүк, иэччэх сүһүөҕэр туруорар эндопротеһы туруорарга туттуллаллар. Холобур, өттүк тостуутугар, өттүк уонна иэччэх сүһүөҕүн остеоартроз ыарыыларын эмтииргэ наадалаахтар. Сорох ыарыһахтар маннык эмтэниитэ суох өрүттэр кыахтара олус уустук буолар.
Оскуола уонна хампаанньа 4 сыллаах бииргэ үлэлэһиилэрин түмүгэр 182 үөрэнээччи харчынан өйөбүлү туһаннылар.