Хампаанньа «Symphonica ARTica» Саха Өрөспүүбүлүкэтин Судаарыстыбаннай филармониятын симфоническэй оркестра Кыайыы 80 сылыгар анаммыт "Дороги Победы" фестивальга кыттыыны ылыытыгар өйөбүлү оҥордо.
Көмө «РНГ» АУо уонна Фабио Мастранджело музыкальнай искусство сайдыытын пуондатын кытары бииргэ үлэлэһиитин докумуонугар олоҕуран оҥоһулунна.
Фестиваль үөрүүлээх арыллыыта олунньу 25 күнүгэр Дьокуускайга «Сэргэлээх уоттара» культура киинигэр «Symphonica ARTica» оркестр, опернай сыана уонна «MarimbaMix» охсор инструменнаах оркестр кыттыылаах ааспыта. Программаҕа ариялар, классическэй айымньылар, сэрии сылларын ырыалара тыыннаах доҕуһуолунан толоруллубуттара. Дирижёр - фестиваль уус-уран салайааччыта, симфоническэй оркестр кылаабынай дирижера Фабио Мастранджело.
«РНГ» АУо «Symphonica ARTica» Саха Өрөспүүбүлүкэтин Судаарыстыбаннай филармониятын симфоническэй оркестра кыттыылаах улахан суолталаах культурнай тэрээһиннэрин хаһыс да сылын өйүүр. Фестиваль Кыайыы 80 сылын бэлиэтиир үбүлүөйдээх сылга биир улахан дьоһун тэрээһининэн буолуоҕа.
«Биһиги ис сүрэхпититтэн «РНГ» АУо-ҕа искусство уонна культура сайдыытыгар бэриниилээх үлэҕит иһин махталбытын биллэрэбит. Бииргэ үлэлэһии өссө тэтимнээхтик ыытыллыа диэн эрэнэбит. Икки бүк үөрүүлээҕэ диэн хампаанньа дойду историятын харыстыырга, сыаналыырга үөрэтэр «Дороги Победы» бырайыагы өйөөбүтэ буолар. Маны сэргэ, культурнай нэһилиэстибэни үйэтитэрэ улахан суолталаах», – диэн Фабио Мастранджело музыкальнай искусство сайдыытын пуондатыгар бэлиэтээтилэр.