Сонуннар

«РНГ» АУо иккис сылын турнир партнерун быһыытынан кыттыыны ылар уонна тэрээһиҥҥэ үбүлээһини оҥорор.

Өй күрэстэһиитэ Национальнай художественнэй музей саалатыгар тохсунньу 22 күнүттэн олунньу 1 күнүгэр диэри ыытылынна. Уопсайа турнирга 58 спортсмен кыттыны ылла, мантан алтата норуоттар икки ардыларынааҕы таһымнаах гроссмейстердар, кинилэр дойду 11 регионуттан бэрэстэбиитэл быһыытынан кытыннылар.

Хампаанньа музыка искусствотын сайдыытын пуондатын кытары бииргэ үлэлэһии тиһигин чэрчитинэн Дьокуускай куоракка  ыытыллыбыт 3 кэнсиэрди үбүлээбитэ. Тыыннаах доҕуһуоллаах музыка кэнсиэрин, проект быһа эфирга холбонуутун уопсайа 2 мөлүйүөн курдук киһи көрбүтэ.

Улуус дьаһалтатын көрдөһүүтүнэн хампаанньа дьиэ-уот хаһаайыстыбатын тэрилтэтигэр дизельнай уматыгынан көмөлөстө.

Бу тэрилтэ көрүүтүгэр Мииринэй куоракка элбэх квартиралаах дьиэлэр бааллар. Маны сэргэ Алмаастаах бөһүөлэгэр, Арыылаах дэриэбинэҕэ дьон олорор пуондатын эмиэ көрөллөр. Олох-дьаһах хаһаайыстыбатын Мииринэйдээҕи тэрилтэтигэр дизельнэй уматык тыын боппуруос. Оҥоһуллубут көмө туһааннаах эбийиэктэргэ ыксаллаах түгэннэр тахсар түбэлтэлэригэр, ону туоратарга, улахан суолталаах буолуоҕа.

Хампаанньа коммерческэйэ суох тэрилтэҕэ үбүлээһини оҕону ииттэ ылар төрөппүттэр оскуолаларыгар араас хабааннаах дьарыктары тэрийэригэр анаан ыытта.

Дьиэ кэргэн тутулун сайыннарар Институт (ИРСУ) биллиилээх психолог Людмила Петрановская көҕүлээһининэн тэриллибитэ. Тэрилтэ тулаайах оҕолор кыһалҕаларыгар уонна кинилэр саҥа дьиэ кэргэҥҥэ адаптацияны ааһалларыгар туһулаан киэҥ хабааннаах үлэни тиһигин быспакка ыытар.

Бүтүн Россиятааҕы турнир Дьокуускай куоракка Национальнай художественнэй музей дьиэтигэр тохсунньу 22 күнүттэн олунньу 1 күнүгэр диэри ыытыллыаҕа.

Күрэхтэһиигэ уопсайа 70 спортсмен кыттыыны ылыаҕа, кинилэр истэригэр Өрөспүүбүлүкэ хас да төгүллээх чөмпүйүөннэрэ бааллар. Бастыҥнар 2024 сылга Россия Кубогын финалыгар кыттарга очко аахсыахтара.

Убаастабыллаах коллегалар, партнердар, бар дьонум!

Кэлэн иһэр саҥа 2024 сылынан итии-истиҥ, төлөннөөх эҕэрдэтэ тутуҥ!

Ааһан эрэр сыл умнуллубат түгэннэринэн, саҥа арыйыыларынан уонна үрдүк ситиһиилэринэн олус баай буолла.

«РНГ» АУо бүттүүн коллективыгар уонна бииргэ үлэлиир партнердарбытыгар үрдүк көрдөрүүлээх үлэҕит, өйөбүлгүт иһин ис сүрэхпиттэн улахан махталбын тиэрдэбин.

Саҥа үүнэр сылга хас биирдиигитигэр уостубат күүһү, ситиһиини, саҥа арыйыылары, чугас дьоҥҥутугар уонна тус бэйэҕитигэр кытаанах доруобуйаны, дьолу баҕарабын!

Хампаанньа  пуонда саҥа дьыллааҕы аахсыйатыгар кыттыыны ылла.

Хоспистарга көмө буолар «Вера» аһымал пуондата 2006 сыллаахтан тэриллэн үлэлиир. Кини Москва куоракка эрэ кииннээн үлэлиир хоспистарга буолбакка, Россия атын регионнарыгар баар, сатаан эмтэммэт ыарыылаах аҕам саастаах дьоҥҥо уонна ыарахан туруктаах оҕолорго медицинскэй, психологическэй, социальнай көмөлөрү оҥорор.

Хампаанньа көмөтүнэн талааннаах устудьуоннар дойду биир бастыҥ экономическэй үөрэҕин кыһатыгар - Россиятааҕы экономическэй оскуолаҕа үөрэнэргэ анаан аҥардаммыт эбэтэр толору граннары ылан туһаныахтарны сөп.

Үтүө дьыала программата 2020 сыллаахха саҕаламмыта, бу грант көмөтүнэн устудьуон үөрэҕин толору эбэтэр аҥарын төлүүр кыахтанар, чэпчэтиини сууммаҕа таһаардахха 5-тэн 100-ҥа бырыһыаҥҥа диэри тиийэр. Бу көмөнү ыларга биир сүрүн ирдэбил баар - үөрэххэ үрдүк ситиһии.

Хампаанньа иккис сылын тэрилтэ ыксаллаах балаһыанньаҕа түбэспит дьоҥҥо көмө буолар общественнэй бырайыактарын өйүүр. Бу бырайыак сүрүннээн Саха Өрөспүүбүлүкэтин  территориятыгар үлэлиир.

Сыл са5аланыыта хампаанньа общественнэй тэрилтэҕэ Москва куоракка үлэлиир дьиэ кэргэҥҥэ оҕону ииттэ ылыы оскуолатын өйүүргэ уонна психологическэй көмөнү оҥорорго диэн анал үбүлээһини көрбүтэ.