Хампаанньа Сочи куоракка ыытыллар «Сааскы музыкальнай фестиваль» иитинэн «Symphonica ARTica» Саха сирин симфоническэй оркестырын кэнсиэрин тэрээһинигэр харчынан көмөлөстө.
Арктикатааҕы государственнэй культура уонна искусство уһуйааччылара дойду биир бастыҥ театральнай үөрэҕин кыһатыгар, бастыҥ маастардарга, муус устар ыйга идэ таһымын үрдэтэр куурустарга үөрэниэхтэрэ.
Бырайыакка хас да хайысханан исписэлиистэри үөрэтии киирэр: «Актерское мастерство», «Сценография» уонна «Искусство балетмейстера». Нэдиэлэ устата саха сирин педагогтара лекцияларга уонна практическэй дьарыктарга сылдьыахтара.
Күндү кэрэ аҥардар!
Аан дойду дьахталларын күнүнэн итии-истиҥ, төлөннөөх эҕэрдэтэ тутуҥ!
Эһиги аан ийэ дойдуну кэрэ оҥороҕут, үөрүүнэн толороҕут, истиҥ сыһыанынан угуттуугут.
Баҕарабыт эһиэхэ тапталы, ситиһиилэри, өрүү күлэ-үөрэ сылдьыҥ. Тус бэйэҕитигэр, чугас дьоҥҥутугар доруобуйаны, нус-хас олоҕу баҕарабыт!
Хампаанньа вахта үлэһиттэригэр анаан «Малый Турыш» тэрилтэттэн уопсайа 2 мөлүйүөн сууммаҕа мүөттэн уонна барыанньаттан турар продукта наборун сакаастаата.
Экологически ыраас, натуральнай бородууксуйаны төрүт үгэстэри тутуһан оҥорор тэрилтэ ырыынакка номнуо 11-с сылын Свердловскай уобаласка үлэлиир. Предприниматель Гузель Санжапова тэрийэн үлэлэппитэ. Мүөт, барыанньа арааһа, чэй, косметикатыгар тиийэ оҥорон таһаарар. Үлэҕэ дэриэбинэ олохтоохторо кыттыһан эбии дохуот аахсаллар. Сайынан сир аһын, араас үүнээйилэри хомуйаллар уонна производствоҕа ыыталлар.
Убаастабыллаах коллегалар, партнердар, бар дьонум!
Эһигини Аҕа Дойдуну көмүскээччилэр күннэринэн итиитик-истиҥник эҕэрдэлиибин!
Тус бэйэҕитигэр, чугас дьоҥҥутугар кытаанах доруобуйаны уонна ситиһиилэри баҕарабын!
«РНГ» АУо иккис сылын турнир партнерун быһыытынан кыттыыны ылар уонна тэрээһиҥҥэ үбүлээһини оҥорор.
Өй күрэстэһиитэ Национальнай художественнэй музей саалатыгар тохсунньу 22 күнүттэн олунньу 1 күнүгэр диэри ыытылынна. Уопсайа турнирга 58 спортсмен кыттыны ылла, мантан алтата норуоттар икки ардыларынааҕы таһымнаах гроссмейстердар, кинилэр дойду 11 регионуттан бэрэстэбиитэл быһыытынан кытыннылар.
Хампаанньа музыка искусствотын сайдыытын пуондатын кытары бииргэ үлэлэһии тиһигин чэрчитинэн Дьокуускай куоракка ыытыллыбыт 3 кэнсиэрди үбүлээбитэ. Тыыннаах доҕуһуоллаах музыка кэнсиэрин, проект быһа эфирга холбонуутун уопсайа 2 мөлүйүөн курдук киһи көрбүтэ.
Улуус дьаһалтатын көрдөһүүтүнэн хампаанньа дьиэ-уот хаһаайыстыбатын тэрилтэтигэр дизельнай уматыгынан көмөлөстө.
Бу тэрилтэ көрүүтүгэр Мииринэй куоракка элбэх квартиралаах дьиэлэр бааллар. Маны сэргэ Алмаастаах бөһүөлэгэр, Арыылаах дэриэбинэҕэ дьон олорор пуондатын эмиэ көрөллөр. Олох-дьаһах хаһаайыстыбатын Мииринэйдээҕи тэрилтэтигэр дизельнэй уматык тыын боппуруос. Оҥоһуллубут көмө туһааннаах эбийиэктэргэ ыксаллаах түгэннэр тахсар түбэлтэлэригэр, ону туоратарга, улахан суолталаах буолуоҕа.
Хампаанньа коммерческэйэ суох тэрилтэҕэ үбүлээһини оҕону ииттэ ылар төрөппүттэр оскуолаларыгар араас хабааннаах дьарыктары тэрийэригэр анаан ыытта.
Дьиэ кэргэн тутулун сайыннарар Институт (ИРСУ) биллиилээх психолог Людмила Петрановская көҕүлээһининэн тэриллибитэ. Тэрилтэ тулаайах оҕолор кыһалҕаларыгар уонна кинилэр саҥа дьиэ кэргэҥҥэ адаптацияны ааһалларыгар туһулаан киэҥ хабааннаах үлэни тиһигин быспакка ыытар.
Бүтүн Россиятааҕы турнир Дьокуускай куоракка Национальнай художественнэй музей дьиэтигэр тохсунньу 22 күнүттэн олунньу 1 күнүгэр диэри ыытыллыаҕа.
Күрэхтэһиигэ уопсайа 70 спортсмен кыттыыны ылыаҕа, кинилэр истэригэр Өрөспүүбүлүкэ хас да төгүллээх чөмпүйүөннэрэ бааллар. Бастыҥнар 2024 сылга Россия Кубогын финалыгар кыттарга очко аахсыахтара.