Сонуннар

«РНГ» АУо тэрээһин көҕүлээччитэ уонна Генеральнай партнера. Саха Өрөспүүбүлүкэтин Үүнэр көлүөнэ тус сыаллаах пуондатын кытары бииргэ үлэлэһиитин иитинэн хампаанньа сыл ахсын бастыҥ педагогтарга бириэмийэ олохтуур. 2025 сыллаахха куонкуруска 458 сайаапка киирбит, бу көрдөрүү иннинээҕи сылтан 17 % үрдүк. Сыл ахсын Өрөспүүбүлүкэ педагогтарын икки ардыгар куонкурус элбэх биһирэбили ылар.

Бырааһынньык Саха сирин Мииринэй оройуонун Сүлдьүкээр нэһилиэгэр ыытылынна. Хампаанньа күрэхтэр кыайыылаахтарыгар анал бириистэри туруорда.

Тэрээһин бултааһыҥҥа төрүт үгэстэри харыстыыр сыаллаах, саха төрүт оонньууларын үйэтитиигэ уонна бэтэрээн булчуттары чиэстээһиҥҥэ туһуланан ыытылынна. Кыттааччылар балааккалары туруорууга, ох саанан ытыыга, пневматическай винтовканы туһаныыга, наартаны ыстаныыга, хайыһарынан сүүрүүгэ күөн көрүстүлэр.

Хампаанньа Мииринэй оройуонун киин балыыһатыгар 2 мөлүйүөнтэн тахса сууммалаах медицинскэй инструменнары сакаастаан тиэрдэн биэрдэ.

Көмө травматология отделениетыгар оҥоһулунна, чуолаан балыыһа бу салаата өттүк уҥуоҕар туттуллар цеменэ суох эндопротезтары оҥорууга күүскэ наадыйар. Маннык эпэрээссийэлэр өттүк шейкатын тостуутугар уонна остеоартрозка туһаныллаллар. Сорох ыарыһахтарга доруобуйаны чөлүгэр түһэриигэ соҕотох көмө буолар аппараттар буолаллар.

Убаастабыллаах коллегалар, партнердар, бар дьонум!

Идэлээх бырааһынньыккытынан - геолог күнүнэн итии-истиҥ төлөннөөх эҕэрдэ буолуохтун!

Баҕарабыт саҥа арыйыылары, кытаанах доруобуйаны, чугас дьоҥҥутугар уонна тус бэйэҕитигэр ситиһиилэри!

«РНГ» АУо үлэһитэ, 71 саастаах Александр Меньшов, Коммунизм уонна Корженевской – Памир биир биллэр хайаларын өргөстөрүн Аҕа Дойду Улуу сэриитин 80 сыллаах үбүлүөйүгэр анаан дабайыаҕа уонна онно Кыайыы Знамятын тэнитиэҕэ. «РНГ» АУо экспедицияны өйөөн, бу былаан олоххо киирэригэр үбүнэн көмөлөһүөҕэ.

Памираны дабайыы олус ыарахан , үрдүк таһымнаах бэлэмнэнии наада. Альпинистартан физическэй бэлэмнэнии, хаачыстыбаннай экипировка, техника ирдэнэр. Дабайыыга бэлэмниир лааҕырга бөртөлүөт эрэ тиийэр, манна альпинистар акклиматизацияны ааһаллар.

Хампаанньа нэһилиэккэ саҥа уопсай баанньык уонна гараж тутулларыгар акылаат оҥорорго диэн шебень биэрдэ.

Тутуу барыахтаах сиригэр 6 улахан массыына щебень тиэрдилиннэ.

Маннык көмөҕө наадыйан «Садыннааҕы Эбэҥки Национальнай Нэһилиэгэ» МТ баһылыга Вера Афанасьева "РНГ" АУо-ҕа көрдөһүү сурук суруйбут. Саҥа баанньык нэһилиэк олохтоохторугар олус наадалаах, нэһилиэккэ уопсай итии уунан хаачыллыы суох, ол иһин туруорсубуттара ыраатта. Онтон муниципальнай гаражка нэһилиэги уунан хааччыйар массыына уонна бааһарынай автоцистерна туруохтара.

Бүтүн дойдутааҕы турнир кулун тутар 31 күнүттэн муус устар 11 күнүгэр диэри Дьокуускайга ыытыллыаҕа.

Күрэхтэһиигэ Өрөспүүбүлүкэ спортсменнара, ол иһигэр хас да төгүллээх чемпионнара кыттыыны ылыахтара. Бастыҥ саахыматчыттар 2025 сыллааҕы Россия Кубогын финальнай чааһыгар киирэргэ очколары эбии аахсыахтара.

Мииринэйдээ5и техническэй  колледжка «Профессионалы–2025» Бүтүн Дойдутааҕы чемпионат регионнааҕы түһүмэҕэр устудьуоннар маастарыстыбаларын көрдүлэр.

Күрэхтэһиигэ икки идэ таһыма сыаналанна: «Добыча нефти и газа» уонна «Подготовка и транспортировка нефти». Маастарыстыбаларын Мииринэйдээҕи уонна Сунтаардааҕы техническэй колледж, Ленскэйдээҕи технологическэй техникум устудьуоннара көрдөрдүлэр. «Фабрика процессов полного цикла» диэн үөрэх полигонун базатыгар кинилэр араас модульлары оҥорон сорудахтары толордулар.

Хампаанньа Садын төрүт эбэҥки нэһилиэгин тыа хаһаайыстыбатын сирдэрин ыраастыырга оту-маһы илдьиритэр анал тиэхиникэни уларыста.

Көмө Саха Өрөспүүбүлүкэтин Мииринэй оройуонун баһылыга Александр Басыров "РНГ" АУо салалтатыттан көрдөһүүтүнэн оҥоһулунна.

Садын нэһилиэгин Сүлдьүкээр бөһүөлэгэ - хотугу аҕыйах ахсааннаах эбэҥки норуота түөлбэлээн олорор сирэ буолар. Олохтоох нэһилиэнньэ сүөһү-сылгы иитиитинэн дьарыктанар. Бүгүҥҥү күҥҥэ тыа хаһаайыстыбатын салаата сайдыытын атахтыыр биир сүрүн кыһалҕа - нэһилиэк сиригэр сүөһү аһын бэлэмнээһинэ.

Күндү кэрэ аҥардар!

Ис сүрэхтэн Аан дойду дьахталларын күнүнэн итии-истиҥ эҕэрдэтэ тутуҥ!

Эһиги Аан дойдуну кэрэнэн симиигит, ураты нарын иэйиинэн толороҕут, дьолу эрэ түстүүгүт.

Эһиэхэ сааскы үтүө настырыанньаны, үтүөнү, ситиһиини баҕарабыт! Олоххут хас биирдии түгэнэ тапталынан толору буоллун, сылаас иэйиинэн илгийдин, дьолунан туоллун!