Сонуннар

Хампаанньа Саха сиригэр ойуурдаах сири чөлүгэр түһэриигэ өссө биир түһүмэҕэр үктэннэ. 2025-2027 сылларга бу сыалга диэн үбүлээһин сууммата 74,9 мөлүйүөҥҥэ тэҥнэһиэҕэ.

Саха сирин Бүлүү улууһугар 250 тыһыынча сэбирдэхтээх маһы 229 га сиргэ олордоллоро былааннанар.

Маннык тэрээһин «Российский центр защиты леса»  федеральнай тэрилтэ көҕүлээһининэн ыытыллар уонна «РНГ» АУо социальнай эппиэтинэһин көҕүлүүр программаҕа олоҕурар.

Хампаанньа баһаарынай сулууспата Саха Өрөспүүбүлүкэтин Мииринэй оройуонугар тахсыбыт ойуур баһаарын умулларыыга көмө оҥордо.

Улуус баһаарынайдара уонна "РНГ" АУо баһаарынай сулууспата түргэн, түмсүүлээх үлэлэрин түмүгэр баһаар уота киэҥник тарҕаныыта тохтоото. Уоту умулларыыга хампаанньа 20-чэ үлэһитэ кыттыыны ылла, маны сэргэ тэрилтэ улахан кыамталаах техникалара, ол иһигэр суола-ииһэ суох сиргэ сылдьар МТ-ЛБ гусеничнай вездеход, эмиэ көмөҕө таҕыстылар.

Росприроднадзор тэрийэн ыытар «Экология – дело каждого» норуоттар икки ардыларынааҕы ыччат уонна оҕо бириэмийэтэ үбүлүөйдээх дьыла түмүктэннэ.  «РНГ» АУо бу бырайыагы 4-с сылын субуруччу өйүүр.

Саха сирин Мииринэй куората төрүттэммитэ 70 сылын бэлиэтээтэ. «РНГ» АУо үбүлүөйдээх тэрээһиннэри ыытарга харчынан үбүлээһини оҥордо.

Мииринэй олохтоохторугар үбүлүөй чэрчитинэн бары хайысханан сынньалаҥы хабан улахан культурнай тэрээһиннэр ыытылыннылар. От ыйын 15 күнүттэн саҕалаан 20 чыыһылаҕа диэри куорат араас болуоссаттарынан кэнсиэрдэр, маастар кылаастар, айар фестиваллар, спортивнай күрэхтэһиилэр ыытылыннылар.

РНГ» АУо ис сүрэхтэн бары олохтоохтору үбүлүөйүнэн итиитик-истиҥник эҕэрдэлиибит!

Мииринэй – Саха сирин промышленнай киинэ. Бу куорат үрдүк таһымнаах, сэдэх идэлээх исписэлиистэр куораттара, төрүт үгэстэри өрө түтар, саамай кыраһыабай хотугу айылҕалаах дойду.

Куорат өссө да үүнэ-сайда, чэчирии турдун, онтон олохтоохторго кытаанах доруобуйаны, дьолу-соргуну баҕарабыт!

Хампаанньа Саха Өрөспүүбүлүкэтин боксаҕа федерациятын президенэ Федотова А. И. аатынан ыытыллар эр дьон икки ардыгар күрэхтэһиигэ партнер быһыытынан кыттыыны ылла. Бүтүн дойдутааҕы турнир Мииринэй оройуона төрүттэммитэ 60 сылыгар уонна Мииринэй куорат 70 сылыгар ананна.

Саха Өрөспүүбүлүкэтин Мииринэй оройуонугар парашютунан чопчу биир сиргэ ыстанан түһүүгэ күрэх ыытылынна. Александр Меньшов, «Феникс» парашютнай кулууп бэрэссэдээтэлин солбуйааччы уонна «РНГ» АУо үлэһитэ турнир тэрийээччитин эрэ быһыытынан буолбакка парашютист-спорсменнарга 2-с бириистээх миэстэни ылары ситистэ.

Хампаанньа сыаналаах бэлэхтэрин Мииринэй оройуонун Таас -Үрэх нэһилиэгин Р.В.Лонкунов аатынан орто анал оскуоланы бүтэрээччилэргэ туттарда. Быйылгы сылга үөрэх тэрилтэтин биэс киһи үөрэнэн бүтэрдэ.

Үөрүлээх линейкаҕа «РНГ» АУо бэрэстэбиитэлэ оскуола үөрэнээччилэрин эҕэрдэлээтэ уонна HONOR планшеттары туттарда.

Хампаанньа уу биоресурсаларын искусственнай буоһатыы программатын салгыы олоххо киллэрэр. «РНГ» АУо экологтара Саха Өрөспүүбүлүкэтигэр Бүлүүтээҕи водохранилищеҕа 800 тыһыынча балык ыаматын ыыттылар. Бу сыаннай боруода балыктарга киирсэр. Быйылгы сыллааҕы көрдөрүү урукку сыллардааҕар 4 төгүл курдугунан элбэх.

Хампаанньа «OFF ROAD FEST 2025» диэн куһаҕан суолунан айанныыр массыыналар күрэстэрин тэрийэргэ үбүлээһини оҥордо. Тэрээһин Мииринэй автодромугар ыытылынна уонна Россия күнүгэр, «Медведь» автокулууп 15 сылыгар ананна.

Күрэхтэһиигэ Мииринэйтэн уонна Ленскэйтэн 14 экипаж кыттыыны ылла. Уопсайа түргэн айанньыттар 3 бөлөххө арахсан куоталастылар. 2 лиитирэҕэ диэри кээмэйдээх мотуордаах внедорожниктар, 3 лиитирэҕэ диэри уонна 3-тэн үөһэ кээмэйдээх массыыналар кыттыыны ыллылар.