Хампаанньа Уус-Куттааҕы уу тырааныспарын үнүстүүтүгэр үлэлиир аһынан-үөлүнэн хааччыйыы кэмбинээтин материальнай уонна техническэй баазата тупсарыгар, саҥардылларыгар харчы көрдө.
Үөрэх тэрилтэтин салалтата «РНГ Снабжение» ХЭТ тэрилтэҕэ көмөҕө наадыйарын эппит. Бүгүҥҥү күҥҥэ үлэлиир оборудование эргэрэн уларыйыыга наадыйар. Хампаанньа өйөбүлүн көмөтүнэн үөрэх тэрилтэтэ остолобуой миэбэлин, ас буһарар оборудованиены, хаһаайыстыбаҕа туттуллар малы-салы атыыласпыт.
Уус-Куттааҕы уу тырааныспарын үнүстүүтэ (СГУВТ филиала) – өрүс уонна муора флоттарын исписэлиистэрин бэлэмниир инники күөҥҥэ сылдьар үөрэх кыһата буолар. «РНГ Снабжение» ХЭТ мэлдьи спонсор быһыытынан харчынан көмөлөһөр. Институт курсааннара хампаанньа суудуналарыгар практикаларын ааһаллар.
«РНГ Снабжение» ХЭТ суудуналара сайыҥҥы навигация кэмигэр Саха Өрөспүүбүлүкэтин «РНГ» АУо тэрилтэтигэр техническэй таһаҕаһы, аһы-үөлү таһаллар. Суудуналар маршруттара - Уус-Кут Осетрово пордуттан Ленскэйгэ диэри.
