Быйылгы сылга «РНГ Снабжение» ХЭТ устар састаабыгар Уус-Куттааҕы уу тырааныспарын институтун 2-с уонна 3-с кууруһун устудьуоннара кыттыспыттара. 8 курсаан, рулевой-моторист идэтин ылааччылар, «Боец», «Витимец», «Морион» уонна «Виктория-1» суудуналарга стажировка аастылар.
Бастакы күнтэн саҕалаан устудьуоннар толору бырааптаах экипаж чилиэннэрэ буолбуттара. Практика уонна уһуйааччылар өйөбүллэринэн оҕолор өрүс флотун аныгы ньымаларын көмөтүнэн идэни толору баһылыырга үөрэннилэр.
«РНГ Снабжение» ХЭТ Уус-Куттааҕы уу тырааныспарын институтугар тус сыаллаах араас бырайыактары олоххо киллэрэригэр туһулаан харчынан көмөлөһөр уонна бу курдук өр кэмнээх бииргэ үлэлэһии ситимин тутар. Суудуналарга үлэ практиката курсааннарга үөрэх программатын үлэнэн бөҕөргөтүүгэ көмө буолар, онтон үлэ биэрээччигэ өрүс флотун каадырдарын аттаран туруорууга улахан суолталаах.
