Хампаанньа Саха сирин Мииринэй оройуонун Светлай бөһүөлэгэр бөртөлүөт түһэр былассааккатын саҥардан оҥорон биэрдэ. Тэрилтэ олохтоох дьаһалта көрдөһүүтүн быһа гыммакка учаастакка кутуллар тааһынан (щебенка) уонна техниканан хаачччыйда.
Саҥа былассаакка үлэҕэ номнуо киирдэ. Бастакы көтүү балаҕан ыйын 16 күнүгэр оҥоһуллан, Светлинскайдааҕы ГЭС төрдүс гидроагрегатын үөрүүлээхтик аһыы тэрээһинигэр Республика Ил Дархана Айсен Николаев көтөн кэллэ. Станция регион олох-дьаһах уонна коммунальнай сулууспа үлэтин уонна Өрөспүүбүлүкэ сир баайын хостуур промышленнай тэрилтэлэрин электроэнергиянан хааччыйар.
Саха сирин ыраах сытар улуустарыгар уонна нэһилиэктэригэр авиационнай инфраструктураны сайыннарыы улахан суолталаах. Инники өттүгэр Светлайга баар бөртөлүөт былассааккатын ыксаллаах быһыы-майгы сулууспата уонна санитарнай авиация туһаныаҕа.
Мииринэй оройуонун дьаһалтатын үлэһитэ Геннадий Цыгул «РНГ» АУо-ҕа эбийиэги саҥардыыга кылаатын иһин махталын биллэрдэ. Хампаанньа регион олоҕор көхтөөхтүк кыттан араас бырайыактары олоххо киллэрэргэ дьоһун үлэни ыытарын бэлиэтээн эттэ.
