Сонуннар

Хампаанньа Саха Өрөспүүбүлүкэтин Ботуобуйа нэһилиэгин кытта дуогабар түһэрсэн нэһилиэккэ суотабай сибээс өҥөтө тупсарыгар, мобильнай интернет тохтоло суох үрдүк хаачыстыбалаахтык үлэлииригэр болҕомто ууруохтара.

«РНГ» АУо салайааччытыгар Ботуобуйа нэһилиэгин баһылыга көмөҕө наадыйарын биллэрэн, бу нэһилиэк бүгүҥҥэ күҥҥэ сытыы кыһалҕата буоларын этэр. Хаачыстыбаннай сибээс суоҕа олох таһымын түһэрэр диэн сиһилии кэпсэтии ыытар.

Хампаанньа Саха Өрөспүүбүлүкэтин Мииринэй оройуонугар регионнааҕы техническэй колледж устудьуоннарыгар «Профессионал идущий» диэн квест ыытарга көмө буолла. Үөрэх тэрилтэтэ өрөспүүбүлүкэ колледжтарыттан биир бастакынан, Россияҕа орто үөрэхтээһин систиэмэтэ үбүлүөйдээх сылыгар анаммыт тэрээһиннэри ыытан саҕалаата.

IV норуоттар икки ардыларынааҕы библиографическэй конгресс «Аан дойду норуоттарын тылларын баайын уонна культурнай нэһилиэстибэлэрин харыстааһыҥҥа библиография оруола» тэрээһин Дьокуускай куоракка ыытылынна. Форумҥа Өрөспүүбүлүкэ киинигэр 900-тэн тахса кыттааччы 16 араас дойдуттан уонна Россия 85 регионуттан кэллилэр.

«РНГ» АУо бэрэстэбиитилистибэтин үлэһиттэрэ конгресс экспертнэй сессияларыгар төгүрүк остуолларга кыттыыны ыллылар.

70 саастаах Хампаанньа үлэһитэ Александр Меньшов «РНГ» АУо көҕүлээһининэн, кыайыы 80 сылыгар туһаайан Памир чыпчаалын дабайан үрдүк ситиһиилээх кэллэ. Төһө да уустуктар баар буолбуттарын иһин, Кыайыы Знамята уонна Хампаанньа былааҕа Корженевскай хайа өргөһүн саамай үрдүк чыпчаалыгар таҕыстылар.

Корженевскай хайа өргөһө – Таджикистан Памирскай хайаларыгар үрдүгүнэн тердүс миэстэҕэ сылдьар. Бу чыпчаалга тахсарга төһө да ыарахан түһүмэхтэрдээх буоллар, аан дойдуттан элбэх альпинист кэлэр.

Хампаанньа Саха Өрөспүүбүлүкэтин Мииринэй оройуонугар «Восточный склон – 2025» эндуро күрэхтэһиитин ыытарга харчы көрдө. Күрэхтэһиигэ 21 спортсмен Ленскэйтэн, Дьокуускайтан, Мииринэйтэн кыттыыны ыллылар.

Эндуро – мотоспорт көрүҥэр суола суох сиринэн айанныыр күрэхтэһии. Мотоциклистар 8 килэмиэтир уһуннаах, араас түһүүлэрдээх, тахсыылардаах, мастарынан, массыына көлөһөлөрүнэн, улахан таастарынан кутуллубут суолунан айанныыллар.

Мииринэй оройуонун дьаһалтата, муниципальнай тэриллиилэр, оройуон экологическэй сулууспалара, Орто Ботуобуйатааҕы ньиэп уонна гаас хостонор сир Илиҥҥи блогар, «РНГ» АУо экологическэй уонна производственнай эбийиэктэригэр сырыттылар.

Ыалдьыттар тирэх пууҥҥа, 1 №-дээх былассааккаҕа, уу хачайдыыр сиргэ уонна ньиэп хомуллар киин пуун үлэтин көрдүлэр. Тэрээһин кыттааччылара ньиэп хостооһунугар туттуллар аныгы, үрдүк таһымнаах технологияны уонна эбийиэктэргэ экологическэй, производственнэй куттал суох буолуутун хааччыйар үлэлэри үрдүктүк сыаналаатылар.

Убаастабыллаах коллегалар, партнердар, бар дьонум!

Ис сүрэхпиттэн эһигини ньиэп уонна гаас промышленноһын үлэһиттэрин күнүнэн итиитик-истиҥник эҕэрдэлиибин.

Үрдүк таһымнаах, уопсай сайдыы туһугар бэриниилээх үлэҕит иһин махталбын биллэрэбин. Эһиги сатабылгыт, үлэҕэ дьаныаргыт улахан убаастабылы ирдиир. Биһиги бииргэ күн ахсын хампаанньабыт сайдыытын туһугар туруулаһабыт.

«РНГ» АУо хамаандата саҥа үрдэллэри дабайан, иннибит диэки хардыылыырга бэлэммит.

Барыгытыгар кытаанах доруобуйаны, ситиһиини, эрчимнээх санааны баҕарабын!

«РНГ» АУо кытта үһүн кэмнээх бииргэ үлэлэһии дуогабарыгар олоҕуран «Россиятааҕы Кыһыл Кириэс» Бүтүн Россиятааҕы хамсааһыҥҥа ыксаллаах быһыы-майгы тахсар түгэнигэр анаммыт саппааһынан хааччыйыыны тэрийэр анал пуондаҕа үбүлээһини оҥордо.

Хампаанньа паарка кыылларын аһатарга диэн сибиэһэйдии тоҥмут балыгы тиксэрдэ.

Айылҕа паарката номнуо балыгын тутта. Сотору кэминэн «РНГ» АУо аатыттан өссө эбии хас да туонна сибиэһэйдии тоҥмут балык кэлиэҕэ.

Хампаанньа Саха сиригэр ойуурдаах сири чөлүгэр түһэриигэ өссө биир түһүмэҕэр үктэннэ. 2025-2027 сылларга бу сыалга диэн үбүлээһин сууммата 74,9 мөлүйүөҥҥэ тэҥнэһиэҕэ.

Саха сирин Бүлүү улууһугар 250 тыһыынча сэбирдэхтээх маһы 229 га сиргэ олордоллоро былааннанар.

Маннык тэрээһин «Российский центр защиты леса»  федеральнай тэрилтэ көҕүлээһининэн ыытыллар уонна «РНГ» АУо социальнай эппиэтинэһин көҕүлүүр программаҕа олоҕурар.