Хампаанньа таҥара дьиэлэрин иһинэн элбэх оҕолоох ыаллар өйөбүллэригэр туһулаан харчынан көмөлөстө.
Үгэс быһыытынан, таҥара дьиэтин сулууспалаахтарын дьиэ кэргэттэригэр элбэх оҕо иитиллэр. Аҕабыыттар сүрүн дохуоттара итэҕэллээх дьон төлүүр үптэриттэн турар, ол иһин дьиэ кэргэттэр үп-харчы өттүнэн үгүс уустуктары көрсөллөр. Маны сэргэ, Саха сирин епархиятын сорох сулууспалаахтара хоту улуустарга үлэлииллэр, онно олох усулуобуйата икки бүк уустук буолар.
Таҥара дьиэтин сулууспалаахтарын элбэх оҕолоох ыаллара бу курдук эбии көмөҕө наадыйалллар. «РНГ» АУо көрбүт үбэ-харчыта олох усулуобуйатын тупсарыыга ананар.
Саха сиринээҕи епархия Сэкэритээрэ, Преображенскай кафедральнай собор салайааччыта , Иеромонах Никандр (Горбатюк) хампаанньаҕа улахан өйөбүлүн иһин махтал тылларын тиэртэ уонна «РНГ» АУо региоҥҥа ыытыллар аһымал тэрээһиннэригэр мэлдьи көхтөөхтүк кыттарын, уопсастыбаҕа көмөлөөх үлэ ыытарын бэлиэтээн эттэ.
Үбүнэн көмө быйылгы сылга республика5а тэриллибит Саха сиринээҕи епархия элбэх оҕолоох дьиэ кэргэттэрин өйүүр стипендиальнай пуондатыгар бастакы улахан суолталаах көмөтө буолуоҕа.
