Хампаанньа 4-с сылын Роспироднадзор экологическэй сырдатыыга, оҕону, ыччаты экология, айылҕа харыстабылын эйгэтигэр сыһыарыыга сирдиир бырайыагар көмө буолар.
5-с төгүлүн ыытыллар бириэмийэҕэ сайаапкалары хомуйуу саҕаламмыта уонна 2025 сыл муус устар 1 күнүгэр диэри ыытыллыаҕа. Куонкуруска бу курдук айар үлэлэри ыытыахха сөп: видеороликтар, хаартыскалар, уруһуйдар. Маны сэргэ, бириэмийэ кыттааччылара бэйэлэрин олоххо киллэриэн баҕалаах бырайыактарын, экология эйгэтигэр сыһыаннаах үлэлэринэн кыттыыны ылар кыахтаахтар. Бириэмийэ олохтонуоҕуттан уопсайа 78 араас дойдуттан 210 тыһыынчаттан тахса сайаапка киирбит.
Бырайыакка икки хамаанданан уонна 10 биирдиилээн номинациялар баар буолуохтара. Кыттааччы сааһыгар хааччах суох, ким баҕалаах кыттыан сөп: «Экосемья» уонна «Экосоюз» номинацияҕа 0 саастан кыттар кыах баар, онтон «Экопросвещение», «Экология души», «Экотуризм» уонна «Экофокус» номинацияларга сааска хааччах суох.
Куонкурус түмүгэ 2025 сылга тахсыаҕа. Кыайыылаахтар уонна призердар анал дипломнарынан наҕараадаланыахтара, бэлэхтэри тутуохтара. Бириэмийэни 120 Россия үрдүк үөрэҕин кыһалара өйөөтүлэр, кинилэр бастыҥ иһигэр киирбит үлэлээх кыттааччыларга үрдүк үөрэххэ киирэллэригэр 1-тэн 10-ҥа диэри эбии бааллары көрүөхтэрэ.