09 апреля 2025
Хампаанньа Мииринэй оройуонун киин балыыһатыгар 2 мөлүйүөнтэн тахса сууммалаах медицинскэй инструменнары сакаастаан тиэрдэн биэрдэ.
Көмө травматология отделениетыгар оҥоһулунна, чуолаан балыыһа бу салаата өттүк уҥуоҕар туттуллар цеменэ суох эндопротезтары оҥорууга күүскэ наадыйар. Маннык эпэрээссийэлэр өттүк шейкатын тостуутугар уонна остеоартрозка туһаныллаллар. Сорох ыарыһахтарга доруобуйаны чөлүгэр түһэриигэ соҕотох көмө буолар аппараттар буолаллар.
Бастакы эпэрээссийэ номнуо ситиһиилэхтик ааста. Быраастар «РНГ» АУо-ҕа суолталаах уонна бүгүҥҥү күҥҥэ саамай туһааннаах көмө оҥоһулунна диэн махталларын биллэрэллэр.