Хампаанньа – тэрээһин көҕүлээччитэ уонна Генеральнай партнера. Саха Өрөспүүбүлүкэтин Үүнэр көлүөнэ тус сыаллаах пуондатын кытта бииргэ үлэлэһии чэрчитинэн холбоһуктаах бырайыак түмүгүнэн 100 бастыҥ учууталга бириэмийэ биэрэргэ үбүлээһин көрүллэр.
Сайаапкалары хомуйуу 2025 сыл кулун тутар 3 күнүттэн саҕаланар. Куонкуруска уопсай, орто уонна оскуола иннинээҕи саастаах оҕолорго, 3 сылтан кырата суох ыстаастаах, тэрилтэ көрүҥүттэн тутулуга суох идэлээх уонна эбии үөрэхтээһин исписэлиистэрэ кыттыахтарын сөп.
100 тыһыынчалаах бириэмийэни үөрэхтээһин эйгэтигэр общественность биһирэбилин ылбыт, хайысха сайдыытыгар кылааттаах Саха сирин бастыҥ педагогтара тутуохтара. Куонкурус хамыыһыйата кыттааччылары маннык ирдэбиллэринэн сыаналыаҕа: иитиллээччилэр уонна үөрэнээччилэр үрдүк ситиһиилэрэ, олимпиадаларга, куонкурустарга, социальнай, үөрэх бырайыактарыгар кыттааччы идэтин үрдүк таһымнаахтык баһылааһына. Күрэх кыттааччылара бэйэлэрин портфолиоларын оҥорон саҕалаатылар.
«РНГ» АУо өйөбүлүнэн үөрэх эйгэтин үлэһиттэригэр анаан аан бастакы куонкурус 2022 сыллаахха ыытыллыбыта. 3 сыл иһигэр Саха Өрөспүүбүлүкэтин 300 педагогическай үлэһитэ бу бириэмийэни туһаннылар.