IV норуоттар икки ардыларынааҕы библиографическэй конгресс «Аан дойду норуоттарын тылларын баайын уонна культурнай нэһилиэстибэлэрин харыстааһыҥҥа библиография оруола» тэрээһин Дьокуускай куоракка ыытылынна. Форумҥа Өрөспүүбүлүкэ киинигэр 900-тэн тахса кыттааччы 16 араас дойдуттан уонна Россия 85 регионуттан кэллилэр.
«РНГ» АУо бэрэстэбиитилистибэтин үлэһиттэрэ конгресс экспертнэй сессияларыгар төгүрүк остуолларга кыттыыны ыллылар.
Тэрээһин Саха сиринээҕи Национальнай библиотека 100 сылыгар анаан ыытылынна. Кыттааччылар аан дойду таһымыгар улахан уларыйыы, балысхан сайдыы буола турар кэмигэр норуоттар тылларын сайдыытын өрө тутууга кыахтары уонна ыҥырыылары дьүүллэстилэр. Саамай тутаах кэпсэтии төрүт тыллары уонна культураны сайыннарыыга библиотекалар оруолларын үрдэтии тула ыытылынна.
«РНГ» АУо Саха сиригэр ыытыллар үрдүк суолталаах культура уонна искусство тэрээһииннэриттэн туора турбат. Маны сэргэ, мэлдьи Өрөспүүбүлүкэ культурнай-историческэй баайдарын харыстыыр көҕүлээһиннэри өрө түтар, көмө буолар.