Мииринэй оройуонун дьаһалтата, муниципальнай тэриллиилэр, оройуон экологическэй сулууспалара, Орто Ботуобуйатааҕы ньиэп уонна гаас хостонор сир Илиҥҥи блогар, «РНГ» АУо экологическэй уонна производственнай эбийиэктэригэр сырыттылар.
Ыалдьыттар тирэх пууҥҥа, 1 №-дээх былассааккаҕа, уу хачайдыыр сиргэ уонна ньиэп хомуллар киин пуун үлэтин көрдүлэр. Тэрээһин кыттааччылара ньиэп хостооһунугар туттуллар аныгы, үрдүк таһымнаах технологияны уонна эбийиэктэргэ экологическэй, производственнэй куттал суох буолуутун хааччыйар үлэлэри үрдүктүк сыаналаатылар.
Дьаһалта бэрэстэбиитэллэрэ «РНГ» АУо экологическэй эбийиэктэриттэн, холобур, кытаанах бөҕү быраҕар полигонтан уонна гааһы төттөрү хачайдыыр станция үлэтиттэн улаханнык сөҕөн бардылар. Санатан эттэххэ, кытаанах бөх мунньуллар полигона хампаанньа эрэ туһатыгар буолбакка, Мииринэй оройуонугар бүтүннүүтүгэр туһалаах.
«РНГ» АУо маннык тэрээһиннэри өссө да ыытар былааннаах. Хампаанньа аһаҕастык уонна дьэҥкирдик көстөр социальнай эппиэтинэһи сүгэр.