Хампаанньа «Энергетика и добыча сырья» хайысхаҕа орто ахсааннаах үлэһиттээх тэрилтэлэр икки ардыларыгар 10-с миэстэни ылла. «РНГ» АУо ааспыт сыллааҕы көрдөрүүтүн тупсаран тута испиэһэк икки үктэлин дабайда.
HeadHunter рекрутинговай платформа 2025 сыл түмүгүнэн дойду үлэнэн хааччыйар тэрилтэлэрин рейтиннэрин таһаарда. Тэрилтэ үлэһитин ахсаанынан көрөн 4 бөлөххө арааран 1792 хампаанньа киирдэ. Куоластааһынынан 693 тыһыынча куолас хампаанньа туһугар буолла, бу сыыппара былырыыҥҥыттан 7 тыһыынча кэриҥинэн элбэх. Чинчийии бизнес эйгэтин 41 хайысхатын хабан ыытылынна.
«РНГ» АУо HeadHunter рейтинигэр 2022 сыллаахтан кыттыыны ылар. Бу сыллар тухары хампаанньа үлэ биэрэр тэрилтэ быһыытынан дьон сэҥээриитин ылар, үлэ усулуобуйатын сатаан тэрийэр, сайдыыны мэктиэлиир хампаанньа быһыытынан сыанабыла үрдүү турар.