II Дальневосточнай сир баайын туһаҕа таһаарааччылар пуорумнара, Уһук Илин уокурук төрүттэммитэ 25 сылыгар ананан, Дьокуускай куоракка ыытылынна.
Тэрээһин сир баайын туһанааччылары, былаас уорганнарын, научнай эйгэни уонна общественнай хамсааһыннары түмтэ. Кыттааччылар регион минеральнай-сырьевой комплексын кэскиллээх салааларын сайдыытын туһунан кэпсэттилэр.
Дьыалабыай прораммаҕа пленарнай мунньаҕы таһынан 16 тиэмэнэн былассааккалар үлэлээтилэр. «РНГ» АУо үлэһиттэрэ «Геология. Возрождение легенды» диэн Федеральнай бырайыак иккис түһүмэҕин саҕалыыр сессияҕа кыттыыны ыллылар, уонна «Нефтегазовая промышленность – новые точки роста на Дальнем Востоке» былассааккаҕа үлэлээтилэр. Маны таһынан, хампаанньа бэрэстэбиитэллэрэ сир баайын туһаныыга Федеральнай ааҕыныстыба мунньаҕар кыттыыны ыллылар.