Булчут бырааһынньыга Саха Өрөспүүбүлүкэтин Чуона нэһилиэгэр Арыылаах бөһүөлэгэр ыытылынна. Хампаанньа спортивнай күрэхтэргэ анал сыаналаах бириистэри туруорда.
Тыҥааһыннаах киирсиилэр, үгэс быһыытынан, Аччыгый Ботуобуйа өрүскэ муус үрдүгэр ыытылынна. Сүлдьүкээртэн, Арыылаахтан, Таас - Үрэхтэн уопсайа 6 хамаанда кыттыыны ылла.
Өрөспүүбүлүкэтээҕи булчут күнүн көрсө сылын ахсын ыытыллар тэрээһиннэр булчуттары өрө тутарга, төрүт спорт көрүҥнэрин сайыннарыыга уонна бэтэрээн булчуттары чиэстээһиҥҥэ туһуланаллар.
«РНГ» АУо Саха сирин олохтоорун төрүт үгэстэрин харыстааһыҥҥа ыытыллар тэрээһиннэри, айылҕа эйгэтин кытта ситимнээх бырайыактары олоххо киллэриини, культурнай-историческэй нэһилиэстибэни эдэр ыччакка тиэрдиигэ анаммыт хамсааһыннары мэлдьи өйүүр.
