Олунньу 24 күнүттэн Саха Өрөспүүбүлүкэтин үөрэҕин тэрилтэлэрин уһуйааччыларын икки ардыгар бастыҥнары анал ааттарынан быһаарар күрэххэ сайаапкалары хомуйуу саҕаланна. Хампаанньа бырайыак көҕүлээччитэ уонна Генеральнай партнера.
2026 сыллаахха региоҥҥа куонкурус үбүлүөйдээх сезона ыытыллар. Күрэххэ үс сылтан кырата суох ыстаастаах, орто, уопсай, оскуола иннинээҕи саастаах оҕолору уһуйар идэтийбит уонна эбии үөрэхтээһин тэрилтэтин көрүҥүттэн тутулуга суох учууталлар кыттыыны ылыахтарын сөп.
100-түү тыһыынча бириэмийэни дьон билиниитин ылбыт, үөрэхтээһин систиэмэтигэр дьоһун кылаатын киллэрбит Саха Сирин 100 бастыҥ педагогтара ылыахтара. Куонкурус хамыыһыйата кыттааччылары бу киритиэрийдэринэн сыаналыаҕа: үөрэнээччилэр уонна иитиллээччилэр ситиһиилэрэ, олимпиадаларга, араас куонкурустарга, социальнай-үөрэхтээһин бырайыактарыгар оҕолор кыайыылара, уонна учуутал бэйэтин ситиһиилэрэ учуоттаныахтара.
Куонкурус 2021 сыл ахсынньы ыйыттан ыытыллар. Бу кэм иһигэр Өрөспүүбүлүкэ бары оройуоннарыттан 1542 педагог кыттыыны ылла, онтон «РНГ» АУо бириэмийэтин 400 киһи ылла. Бэлиэтээн эттэххэ, үбүлүөйдээх куонкурус өссө элбэх кыттааччыны түмэрэ былааннанар.
Сайаапкалары хомуйуу кулун тутар 27 күнүгэр диэри ыытыллар. Кыайыылаахтары эҕэрдэлиир түмүктүүр тэрээһин регион киин куоратыгар, Саха Өрөспүүбүлүкэтин күнүн көрсө, муус устар 24 күнүгэр ыытыллыаҕа.