Хампаанньа Саха Өрөспүүбүлүкэтин Ил Дарханын Кубогар төрдүс төгүлүн ыытыллар саахымат турнирыгар партнер быһыытынан кыттыыны ылла. Быйылгы күрэхтэһии региоҥҥа саахымат хамсааһына 100 сыллаах үбүлүөйүгэр ананна.
Саамай мастааптаах улахан спортивнай тэрээһин 4 улахан турниры бииргэ түмтэ: эр дьоҥҥо саахымакка Арассыыйа турнирын Кубога, блиц уонна рапид (түргэн саахымат) күрэхтэһиилэрэ, маны сэргэ, саахымат композицияларын суоттааһыҥҥа күрэхтэһии.
Тэрээһиҥҥэ дойду 12 регионуттан уопсайа 140 кэриҥэ спортсмен кыттыыны ылла, манна норуоттар икки ардыларынааҕы 7 гроссмейстер киирсэр. Саха Өрөспүүбүлүкэтин Ил Дарханын Кубогын кыайыылааҕын аатын иккис төгүлүн Свердловскай уобаластан Дмитрий Кокарев ылла. 10 бастыҥ спортсмен иһигэр саха саахыматчыттара Владислав Жирков уонна Артур Васильев киирдилэр.
«РНГ» АУо региоҥҥа ыытыллар спортивнай көҕүлээһиннэри мэлдьи өйүүр, спорт уонна физическэй култуура сайдыытыгар дьоһун кылаатын киллэрэр. Хампаанньа – 2023 сыллаахтан тэриллэн ыытыллар Саха Өрөспүүбүлүкэтин Ил Дарханын Кубогын бастайааннай партнера.
