Хампаанньа Москваҕа кулун тутар 31 күнүттэн муус устар 1 күнүгэр диэри ыытыллыбыт үбүлүөйдээх тэрээһиннэргэ партнер быһыытынан кыттыыны ылла. Тэрээһин геология уонна сир баайын туһаныы эйгэтигэр үлэлиир экспертэри, былаас уорганнарын, маны сэргэ Арассыыйа бизнеһын биир сиргэ түмтэ.
Бу сылга геолог күнэ 60-с сылын бэлиэтэнэр, ол күҥҥэ туһаайан сир баайын туһаныы федеральнай ааҕыныстыбатын көҕүлээһининэн икки күннээх киэҥ мастааптаах форумҥа биир идэлээхтэр көрүстүлэр. Программа иитинэн Роснедр коллегиятын киэҥ ыҥырыылаах мунньаҕа уонна геологтар IX бүтүн дойдутааҕы сийиэстэрэ ыытылынна.
Хампаанньа үлэһиттэрэ коллегия мунньаҕар уонна минеральнай-сырьевой база тутулугар, аныгы геологическэй чинчийиилэр ньымаларыгар, геологическэй дааннайдары сыыппараҕа көһөрүүгэ, ресурсалары чөлүгэр түһэриигэ анаммыт төгүрүк остуолларга, кэпсэтиилэргэ кыттыыны ыллылар. Тэрээһин кэмигэр геологическэй чинчийии үлэлэригэр көдьүүһү үрдэтэргэ, саҥа ньымалары киллэриигэ ырытыы буолла.
Ааспыт форум геология хайысхатын эйгэтигэр судаарыстыбаны, науканы, бизнеһы түмүүгэ, биир санаанан салайтарыыга улахан көмөлөөх түһүмэх буолуоҕа диэн бэлиэтэннэ.
