Сайаапкалары хомуйуу кулун тутар 5 күнүттэн ыытыллыаҕа. 100 бастыҥтан бастыҥ педагог сүүстүү тыһыынча бириэмийэ тутуохтара. Санатан эттэххэ, ааспыт сыл ахсынньы ыйыгар хампаанньа Саха Өрөспүүбүлүкэтин Үүнэр көлүөнэ тус сыаллаах пуондатын кытары бииргэ үлэлииргэ дуогабардаспыттара, итиэннэ Саха АССР төрүттэммитэ 100 сыллаах үбүлүөйүн көрсө ыытыллар тэрээһиҥҥэ харчынан көмөлөһөргө сөбүлэҥ түһэрсибиттэрэ.
Убаастабыллаах коллегаларбыт, партнердарбыт, бар дьоммут!
Олунньу 23 күнэ — хорсун быһыы, күүстээх санаа, албан аат бырааһынньыга. Бу бэлиэ күнүнэн бары эр хоһууттары итиитик-истиҥник эҕэрдэлиибит.
Баҕарабыт чөл доруобуйаны, ситиһиини, өрүү кыайыы көтөллөөх буолуҥ!
Хампаанньа тэрээһини ыытыыга харчынан көмөлөстө. Конференция куйаар ситимин нөҥүө кулун тутар ый 4-5 чыыһылаларыгар ыытыллыаҕа. Тэрийээччи — «Информационная культура» диэн коммерческэйэ суох автономнай тэрилтэ.
Ааспыт сыл ахсынньы ыйыгар хампаанньа «Россиятааҕы Кыһыл Кириэс» бүтүн дойдутааҕы общественнай түмсүүнү кытары бииргэ үлэлииргэ сөбүлэҥ түһэрсибитэ. Икки өрүт Саха Өрөспүүбүлүкэтин территориятыгар ыксаллаах быһыыга түбэспит дьоҥҥо көмөлөһөргө туһаайыллыбыт бырайыактары өйүүргэ быһаарсыбыттара. Бу сөбүлэҥ бастакы түһүмэҕинэн — ыксаллаах быһыыга туһаныллар табаар саппааһын хааччыйыы буолар.
«РНГ-медикам» социальнай программа чэрчитинэн хампаанньа Мииринэй оройуонун киин балыыһатыгар Hamilton-C1 диэн ааттаах, швейцарскай, көһө сылдьан үлэлиир тыҥаны ыраастыыр (ИВЛ) аппарааты туттарда.
Саҥа оборудование күүстээх эмтэниини ааһар, ыарахан эпэрээссийэ кэнниттэн чөлүгэр түһэрэр, бары араҥа ыарыһахтарга, ол иһигэр саҥа төрөөбүт оҕолорго, ананан оҥоһуллубут. Оборудование балыыһа иһинэн мэһэйэ суох көһө сылдьара туһанарга табыгастаах, кээмэйэ улахана суох.
Хампаанньа үлэһиттэрэ Саха Өрөспүүбүлүкэтигэр ыытыллар «Молодые профессионалы» (WorldSkills Russia) X аһаҕас региональнай чемпионатыгар эксперт быһыытынан кыттыыны ылыахтара.
Москватааҕы мюзикл тыйаатырыгар РСФСР народнай артыыһа Андрей Миронов 80 сааһыгар анаммыт улахан кэнсиэр буолан ааста. Ахтыы киэһэтин спонсора — «РНГ» АУо.
Уһун кэмнээх кэскиллээх былааннааһын үлэтигэр сөптөөх дьаһаныы, итиэннэ хамаанда үлэһиттэрин таһыма үрдүк буолан «РНГ» АУо туруоруммут сыалларын ситиһиигэ, былааны толорууга сылы бэрткэ түмүктээтэ. Ааспыт сыл түмүгүнэн аныгы ньымалары туһаныыга, оҥорон таһаарыы көрдөрүүтэ улаатыытыгар, хампаанньа эбийиэктэригэр инфраструктураны сайыннарыыга элбэх үлэ ыытылынна. «РНГ» АУо регион социальнай-экономическэй сайдыытыгар сүҥкэн кылаатын киллэриини салгыы ыытар.
Олунньу 1 күнэ
Убаастабыллаах коллегаларым, партнердарым, бар дьонум!
Эһигини ис сүрэхпиттэн саҥа үүнэн эрэр сылынан итиитик-истиҥник эҕэрдэлиибин! Бу кэмҥэ ааһан эрэр сыл түмүктэрин таһаарабыт, кэлэр сыл былааннарын торумнуубут.
«РНГ» АУо ыксаллаах түгэҥҥэ түбэспит дьоннорго көмөлөһөр сыаллаах «Россиятааҕы Кыһыл Кириэс» бүтүн дойдутааҕы общественнай тэрилтэ бырайыактарын өйүөҕэ. Бииргэ үлэлэһии торумугар олохтоох нэһилиэнньэ доруобуйатын харыстабыла итиэннэ ыксаллаах быһыыга түбэспит дьону аһынан, табаарынан хааччыйыы көҕүлээһиннэрэ киириэхтэрэ. Сөбүлэҥ быһыытынан үлэ сүрүннээн Саха Өрөспүүбүлүкэтин территориятын хабыаҕа.
Болҕойун! Сонуну маассабайдык тарҕатар тэрилтэлэртэн эрэ киирбит иһитиннэриилэри көрөбүт.