Сонуннар

Хампаанньа салалтата 2021/22 үөрэх сылыгар Россиятааҕы экономическэй оскуоланы (РЭШ)  өйүүр үлэтин салгыы ыытарын туһунан быһаарыныы ылынна. 

Үтүөнү оҥоруу  тус сыаллаах тосхол  2020 сыл балаҕан ыйыттан үлэтин саҕалаабыта. Программаҕа  үөрэх граннара, регионннартан кэлэр устудьуоннары өйүүр барыллар, үөрэх кыһатын чинчийэр үлэтин көҕүлээһин  тиһиктэрэ киирэллэр.

Икки өрүттээх өр кэмнээх сөбүлэҥ докумуонугар илии баттастылар.

Бииргэ үлэлэһии сөбүлэҥэ Саха сирин территориятыгар, ону тэҥэ бүттүүн дойду үрдүнэн «Якутия вдохновляет» диэн анал программа иитинэн ыытыллар культурнай хабааннаах бырайыактары өйөөһүҥҥэ олоҕурар. Маны сэргэ, араас норуоттары кытта биир ситими тутар, сайыннарар пуонда көҕүлээһиннэрэ өйөбүлү ылыахтара.

Мииринэйдээ5и балыксыттар уонна булчуттар уопсастыбаларыгар хампаанньа тиэхиньикэнэн уонна саппаас чааһынан көмөлөстө.

Бииргэ үлэлэһии сөбүлэҥин докумуонугар олоҕуран хампаанньа «Сибирские вездеходы» марка хаарга, бадарааҥҥа сылдьар техникаларын атыылаһан биэрдэ, маны сэргэ, «ТРЭКОЛ» вездеходка саппаас чааһынан көмөлөстө. Көмө уопсай сууммата 3 мөлүйүөн солкуобайга тэҥнэстэ.  Техникалар, хампаанньа бэйэ логистическэй салаалаах буолан, номнуо алтынньы ыйга кэлэллэрэ былааннанар.

Хампаанньа исписэлиистэрэ  сейсмическэй чинчийии үлэлэрин ыытарга биир кэлимсэ бэлэмнэнии үлэтин түмүктээтилэр.

«Сүлдьүкээр Геологоразведка» ХЭТ базатыгар тэриллибит  Соҕуруу Сүлдьүкээрдээҕи лицензионнай учаастактан Мурбайдаа5ы лицензионнай учаастакка сейсмическэй чинчийии үлэтин ыытааччылар базаларын уларыттылар. Уопсайа 124 техника уонна бытовой эбийиэктэри көһөрүү үлэтэ барда. Ол иһигэр  NOMAD65 NEO сейсмическэй  вибрационнай источниктар, Sercel 508XT регистрация оҥорор телеметрическэй систиэмэ тиэлиннэ.

Убаастабыллаах биир идэлээхтэрим!

«РНГ» АУо салалтатын уонна тус бэйэм ааппыттан  ниэп уонна  газ промышленноһын үлэһиттэрин күнүнэн итии-истиҥ эҕэрдэбин тиэрдэбин!

Бүгүн биһиги үлэлии сылдьар салаабыт бүттүүн Дойду киэн туттуута, баайа- дуола буолар. Ниэп уонна газ салаата дойду бары регионнарын экономикатын сайыннарыыга улахан кыаҕы биэрэр, эрэллээх тирэх буолууну хааччыйар.

Норуоттар икки ардыларынааҕы культурнай хамсааһыны сайыннарыыга бииргэ үлэлэһии — хампаанньа үлэтин биир сүрүн соруга.  2021 сыл  атырдьах ыйын 25 күнүгэр  «РНГ»  АУо  өйөбүлүнэн Английскай посол резиденциятыгар Софийскай набережнайга английскай композитор Уильям Уолтон музыкатыгар олоҕуран А.П. Чехов «Медведь» оператын сүрэхтэниитэ  буолан ааста.  Культура эйгэтин биир бастыҥ тэрээһинин «Мост искусств» пуонда тэрийэн ыытта.

Орто Ботуобуйатааҕы ниэп, газ, газ конденсата хостонор баайдаах сир Илиҥҥи  хайысхатыгар  (ВБ СБ НГКМ)  515-Р  скважина ботуобуйатааҕы саҕаҕын туһаҕа киллэриитэ түмүктэннэ. Ол түмүгэр сууккаҕа 40 туонна дебиттээх промышленнай ниэп ылылынна.  

Ботуобуйатааҕы саҕах иэнинэн уонна быһыытынан атын саҕахтартан уратылааҕынан биллэр, итиэннэ Орто Ботуобуйатааҕы ниэп, газ, газ конденсата хостонор баайдаах сир Илиҥҥи хайысхатыгар  (ВБ СБ НГКМ)   ниэп уонна газ сыһыннаһыытыгар улахан интэриэһи үөскэтэр.

Сыл ахсын хампаанньа бүтүн Сибиир итиэннэ Саха Өрөспүүбүлүкэтин үөрэҕин кыһаларыттан устудьуоннары түмэн тутуу үлэтин тэрийэр.

Тутуу этэрээттэрин байыастара күүстээх сүүмэрдээһини ааһан анал хомуллубут биригээдэлэр састааптарыгар киирэн үлэлииллэр. Инники кэскиллээх тутааччылар, экономистар, инженердар  улахан уопуттаах исписэлиистэр салалталарынан «РНГ» АУо производственнэй былассааккаларыгар, ниэп уонна гаас хостооһунун үлэлэригэр, туохха да тэҥнэммэт практическэй уопуту ылаллар.

Хампаанньа баһаартан куттал суох буолуутун хааччыйар, гражданскай көмүскэниигэ уонна ыксаллаах быһыыга бэйэ бас билэр сулууспата айылҕа умайыыларын сэрэтэр уонна умулларар кыахтаах.

Саха Сиригэр бу сылга ойуур баһаардарыгар саамай уустук сыл үөскээн турар. Сайын саҕаланыаҕыттан 600 тыһыынчаттан тахса гектар иэннэх сир уокка былдьанна. Ол иһигэр баһаар куттала, хампаанньа кииннээн үлэлиир, Саха Сирин арҕаа өттүгэр эмиэ ааҥнаата. Ойуур баһаара тарҕаныытыгар кураан уонна тыаллаах күн-дьыл улахан сабыдыаллаах.

Мииринэй оройуонун территориятыгар, Бүлүүтээҕи водохранилище салаатыгар —  Аанньаах   үрэххэ,  хампаанньа экологтара  214 тыһыынчаттан тахса быраҥаатта балык ыаматын ыыттылар.