Сонуннар

Бырайыак Россиятааҕы театральнай искусство института (ГИТИС) уонна Саха сиринээҕи культура уонна духуобунай сайдыы министиэристибэтэ  бииргэ үлэлэһиилэрин түмүгэр,  хампаанньа харчынан көмөтүгэр олоҕуран  олоххо киирэр.

ГИТИС устудьуоннара Евгения Тикиджи-Хамбурьян уонна Василиса Кутузова Арктическэйдээҕи культура уонна искусство институтугар «Жалость» дипломнай испиктээкили туруорарга көмөлөһүөхтэрэ. Испиктээкилгэ устудьуоннар уһуйааччыларын кытары сүрүн оруоллары толоруохтара.

Саха сиринээҕи үүнэр көлүөнэ тус суаллаах пуондатын  кытары бииргэ үлэлэһии докумуонугар олоҕуран, хампаанньа, үөрэхтээһин хайысхатын бастыҥнарыгар бириэмийэ олохтуурга анаан үбүлээһини оҥордо. Ол курдук, сыл бүтэһигэр диэри 100 бастыҥ учуутал 100 тыһыынча харчынан бириэмийэлэниэҕэ.

Куонкуруска кыттыыны сүрүн уонна эбии үөрэхтээһиҥҥэ үлэлиир программалары олоххо киллэрэр, ол иһигэр үөрэх кыһатын көрүҥүттэн тутулуга суох наставничество программалара киирэллэр, үс сылтан кырата суох ыстаастаах учууталлар ылыахтарын сөп.

Хампаанньа үөрэх кыһатыгар станок-качалка макетын бэлэхтээтэ.

2 миэтирэттэн тахса уһуннаах конструкция Светлай бөһүөлэгэр баар Мииринэйдээҕи региональнай техническэй колледж иннигэр бочуоттаах миэстэтин булла. Манна ньиэп уонна гаас хайысхатын исписэлиистэрин бэлэмнээн таһаараллар.

Тэрээһин хампаанньа уонна Мииринэй оройуонун булчуттарын, балыксыттарын түмсүүтүн икки ардыгар түһэрсиллибит бииргэ үлэлэһиигэ анаммыт сөбүлэҥ докумуонугар олоҕуран ыытылынна.

Аахсыйа чэрчитинэн, икки өттүттэн тэрилтэ бэрэстэбиитэллэрэ Бүлүү өрүс биэрэгин уонна ол аттынааҕы территорияны бөхтөн-сыыстан ыраастаатылар. Аахсыйа түмүгүнэн «РНГ» АУо бэйэтин техникатынан 10 м³ бөҕү кытаанах бытовой отход (ТБО) полигонугар тиэйэн илдьэн сүөкээтэ.

Тэрээһиҥҥэ Мииринэй куорат баһылыга Алексей Тонких, хампаанньа салалтата уонна куорат олохтоохторо кыттыыны ыллылар.

Аныгы тутуулаах былассаакка Тихонов аатынан уулуссаҕа дьэндэйдэ. Тутууга сүрүн үлэни хампаанньа иһинэн үлэлиир тэрилтэ оҥордо. Кылгас кэм иһигэр араас саастаах оҕолорго анаммыт аныгы оонньуур, сынньанар сир хаачыстыбаны үрдүк таһымҥа тутан оҥоһуллан таҕыста.

Убаастабыллаах коллегалар, партнердар, бар дьонум!

Ньиэп уонна гаас промышленноһын үлэһиттэрин идэлээх бырааһынньыктарынан итии-истиҥ эҕэрдэтэ тутуҥ!

«РНГ» АУо өр сыллар устата  үрдүк таһымнаах көдьүүстээх үлэни көрдөрдө, аныгы технологиялары туһанан производствоны саҥардыыга ылсар, үлэ хабаанын кэҥэтэр, Саха Өрөспүүбүлүкэтин территориятыгар улахан суолталаах инфраструктурнай бырайыактары олоххо киллэрэр, социальнай уонна экологическай көҕүлээһиннэри сайыннарар.

Хампаанньа социальнай-экономическэй сөбүлэҥҥэ олоҕуран Мииринэй оройуонун «Ботуобуйа» уонна «Сулакыыт» общиналарыгар харчынан көмөлөстө.

Көрүллүбүт харчыны аҕыйах ахсааннаах хотугу норуот бэрэстэбиитэллэрэ бултуур сирдэрин көрүүгэ-истиигэ анаан вездеходнай техника уонна уматык атыылаһарга туһаныахтара. Бу иннинэ, эмиэ көмө харчынан, «Ботуобуйа» түмсүү бэрэстэбиитэллэрэ Таас-Үрэххэ ыһыах түһүлгэтигэр аҕыйах ахсааннаах норуот олоҕун-дьаһаҕын билиһиннэрэр, үгэстэри кэпсиир анал ураһа туппуттара.

Хампаанньа тэрилтэҕэ оскуолаҕа кэтиллэр  уонна спортивнай формаларга, атах таҥаһын атыылаһарга анаан харчынан көмөлөһүө.

Приютка олорооччулар бары олох уустук балаһыанньатыгар  түбэспит оҕолор. Кинилэри кытта үрдүк таһымнаах педагогтар үлэлэһэллэр, оҕолор сынньалаҥнарын тэрийэргэ сөптөөх усулуобуйа оҥоһуллар.

Оҕо дьиэтэ, сүрүннээн, үтүө санаалаах дьон   көмө харчытыгар олорор.  «РНГ» АУо тэрилтэҕэ хаһыс да төгүлүн көмөлөһөр, бу иннинэ оҕолор күннээҕи аһылыктарын хааччыйыыга көмө оҥорбута. 
 

Саҥа оҕо оонньуур сирэ хампаанньа офиһын утары Тихонов аатынан уулуссаҕа дьэндэйиэҕэ.

Бу иннинэ, бу миэстэҕэ, былассаакка баара, ол гынан баран эргэрэн, оҕо оонньууругар кутталы үөскэтэр буолан көтүрүллүбүтэ. Бастаан утаа тутааччылар былассаакка турар сиригэр таас кутан тэҥнээн биэриэхтэрэ, асфальт оҥоруохтара.

Бэлэмнэнии хампаанньа уонна общественнэй тэрилтэ бииргэ үлэлэһэр сөбүлэҥнэригэр олоҕурар.

Үөрэниигэ доброволецтар кыттыыны ылаллар. Дьарыктарга ыксаллаах быһыыга хайдах дьаһанарга, бастакы медицинскэй уонна психологическай көмөнү хайдах оҥорорго үөрэнэллэр. Анал үөрэх кэннэ волонтердар, ыксаллаах быһыы тахсар түгэнигэр, быыһыыр сулууспа үлэһиттэригэр көмө буолуохтара.