Хампаанньа коммерческэйэ суох тэрилтэҕэ үбүлээһини оҕону ииттэ ылар төрөппүттэр оскуолаларыгар араас хабааннаах дьарыктары тэрийэригэр анаан ыытта.
Дьиэ кэргэн тутулун сайыннарар Институт (ИРСУ) биллиилээх психолог Людмила Петрановская көҕүлээһининэн тэриллибитэ. Тэрилтэ тулаайах оҕолор кыһалҕаларыгар уонна кинилэр саҥа дьиэ кэргэҥҥэ адаптацияны ааһалларыгар туһулаан киэҥ хабааннаах үлэни тиһигин быспакка ыытар.
Институт биир кылаабынай бырайыага – оҕону ииттэ ылар төрөппүттэр оскуолалара буолар. Бөлөҕүнэн дьарыктары өр сылларга оҕону дьиэ кэргэҥҥэ сыһыарыы боппуруостарыгар үлэлэспит, уопуттаах педагогтар уонна тренердэр ыыталлар.
«РНГ» АУо институт оҕону ииттэ ылар төрөппүт оскуолатын үлэтигэр туһаайан номнуо иккис сылын харчынан көмөлөһөр. 2023 сыллаахха оскуолаҕа 500 киһи анал үөрэҕи ааспыт, бу уопсайа 25 бөлөх. Кинилэр онлайн форматынан уонна оскуолаҕа кэлэн үөрэннилэр