Хампаанньа HeadHunter үлэни биэрээччилэр рейтиннэригэр «Крупные компании» бөлөххө 200 бастыҥ тэрилтэ иһигэр киирдэ. Онтон бэйэтин үлэлиир «Энергетика и добыча сырья» хайысхатыгар 6 миэстэҕэ таҕыста.
HeadHunter испиэһэгин оҥорорго хампаанньаҕа үлэ көрдөнөөччү санаата төһө учуоттанара болҕомтоҕо уурулунна, HR-сайдыытыгар экспертнай сыанабыл, итиэннэ үлэҕэ киирээччигэ тэрээһин боппуруостарын быһаарыыга туох үлэ барара учуоттанна. Уопсай түмүгүнэн 1923 хампаанньаттан 783 хампаанньа финалга таҕыста.
«Биһиги экспертэр үрдүк сыанабылларын ыллыбыт. Кинилэр «РНГ» АУо үлэнэн хааччыйар тэрилтэ быһыытынан аһаҕас уонна бэйэҕэ дьону тардар диэн үрдүктүк сыаналаатылар. Маны сэргэ, HR-процесстар, хампаанньа имиджа эмиэ бастыҥ сайдыылаах быһыытынан бэлиэтэннэ. Тэрилтэ инники күөҥҥэ тутар соруга – үлэһиккэ усулуобуйа тэрийии, кини үүнэригэр-сайдарыгар кыах биэрии буолар», – диэн «РНГ» АУо персоналы кытары үлэҕэ дириэктэри солбуйааччы Оксана Гробовец эттэ.
«РНГ» АУо-ҕа каадыры сөпкө талыы улахан суолталаах. Хампаанньа ахтыыбын сүрүнэ Саха сирин территориятыгар баар, ол иһин уһук хоту сытар сирдэргэ үлэһити тутуу, үлэлиэххэ сөп эбит диэн санааны үөскэтии тэрилтэ кылаабынай сыала. Бу туһугар хампаанньа бары эбийиэктэригэр куттал суох буолуутун хааччыйар үлэттэн саҕалаан, иллэҥ кэмҥэ сынньалаҥы тэрийэр боппуруостар кытары быһаарыллаллар. Ол курдук, ааспыт сылга, хампаанньа баахтабай бөһүөлэктэрэ Илин Сибииргэ бастыҥынан ааттаммыттара.
«Күүстээх уонна идэтийбит хамаандата суох сайдыы суох. Онон тэрилтэҕэ мэлдьи улахан үлэ ыытыллар. Хас биирдии үрдүк таһымнаах исписэлиис үлэтэ сыаналанар, хайаан да бириэмийэнэн биһирэнэр. Олохтоох үөрэх кыһаларын кытары биир ситимнээх үлэни эмиэ өрө тутабыт», – диэн «РНГ» АУо генеральнай дириэктэрэ Владимир Ракитин санаатын үллэһиннэ.
2019 сылтан саҕалаан «РНГ» АУо Саха Сирин бырабыытылыстыбатын «Местные кадры – в промышленность» диэн программатыгар кыттар. Хампаанньа ниэп уонна гаас идэлэригэр уһуйар региональнай үрдүк үөрэх кыһаларын кытта биир ситими быспакка үлэлии-хамсыы олорор.