СМИ биһиги туспутунан

Хампанньа «Алмаастаах кыраай ыһыаҕа» диэн саха норуотун төрүт культуратын өрө тутар тэрээһиҥҥэ бэлэмнэниигэ  актыыбынай кыттыыны ылбыта. Ыһыах улуус киинин биир саамай кыраһыабай сиригэр «Олоҥхо дойдута» ландшафтнай-этнографическэй комплекска буолбута. Хампаанньа үлэһиттэрэ ыһыахтыыр сиргэ массыына тохтуур сирин оҥорон биэрбиттэрэ.

Маны таһынан, «РНГ» АУо Таас-Үрэх нэһилиэгэр эмиэ быйылгы ыһыахатарын тэрээһинигэр, өрүү буоларын курдук, күүс-көмө буолбута.

Светлинскэйдээҕи энергетика, ньиэп уонна гаас салаатыгар «Разработка и эксплуатация нефтяных и газовых месторождений» идэҕэ устудьуоннар дипломнай үлэлэрин көмүскээтилэр.

Дипломнай үлэлэри «РНГ» АУо ньиэп бэлэмнэнэр отделын ньиэп учуотун оҥорор отдел кылаабынай исписэлииһэ Айсен Васильев салайааччылаах судаарыстыбаннай экзаменационнай хамыыһыйа сыаналаата.

Устудьуоннар ньиэп уонна гаас хайысхаларыгар, товарнай ньиэп транспортировкатыттан саҕалаан эксплуатацияҕа, буурдааһыҥҥа, сиртэн хостонор баайдаах сирдэри чинчийиигэ тиийэ дипломнай үлэлэри бэлэмнээбиттэр.

«РНГ» АУо уонна «СӨ үүнэр көлүөнэтин пуондата» тэрилтэ бииргэ үлэлэһиилэрин иитинэн үһүс сылын региоҥҥа бастыҥ педагогическэй үлэһиттэри талар куонкурус ыытыллар. Быйылгы сыллааҕы куонкурус түмүгүнэн бастыҥнар ааттаннылар уонна 100-түү тыһыынча харчынан бириэмийэлэннилэр.

«РНГ» АУо хампаанньа уонна «СӨ үүнэр көлүөнэтин пуондата» тэрилтэ бииргэ үлэлэһии сөбүлэҥэр олоҕуран, региоҥҥа үһүс сылын, педагогическэй үлэһиттэргэ анаан куонкурус тэрийэн ыыталлар. Куонкуруска үстэн кырата суох ыстаастаах учууталлар кыттыыны ылаллар. Сыл ахсын кыттааччы ахсаана улаатар, күрэх таһыма үрдүүр. Быйылгы сылга сайаапканы Өрөспүүбүлүкэ бүттүүнүттэн 390 киьи биэрбит. Онтон сүүс киһитэ бастыҥ ааты ылан сүүс тыһыынча харчынан наҕараадаламмыт.

Сиһилии «Вести Саха» информационнай биэрии бэлэмнээбит матырыйаалыгар көрүҥ.

Кэлэр көлүөнэ ыччат инники сайдыытын түстүүр үлэ, учууталларга өйөбүл  - регион салайааччыларын өрө тутар сыала. Учуутал үлэтин идэтин таһымын үрдэтиигэ промышленнай хампаанньалар эмиэ кылааттарын киллэрэллэр.

«РНГ» АУо хампаанньа Саха Өрөспүүбүлүкэтин бастыҥ учууталларын талар, үөрэхтээһин эйгэтигэр анал бириэмийэни туттарыыга генеральнай спонсор быһыытынан кыттар. Куонкуруһу тэрийээччилэр СӨ үөрэхтээһин уонна наука министиэристибэтэ уонна СӨ Үүнэр көлүөнэ тус сыаллаах пуондата.

Сиһилии «Якутия. Инфо» порталга ааҕыҥ

«РНГ» АУо хампаанньа  Арктикатааҕы Судаарыстыбаннай Культура уонна Искусство Институтун устудьуоннарыгар (АГИКИ), норуоттар икки ардыларынааҕы фестивальга кытталларын ситиһэн олороллоругар уонна астарыгар харчынан көмөлөстө.

«Твой шанс | ГИТИС fest» норуоттар икки ардыларынааҕы дипломнай испиктээкиллэр фестиваллара Москва куоракка муус устар 15 күнүнттэн 30 күнүгэр диэри ыытыллар.  Бу фестивальга бэйэлэрин үлэлэрин Россия, Индия, Сербия уонна  Кытай кыһаларын бүтэрээччилэр көрдөрүөхтэрэ. Уопсайа 23 араас испиктээкил көстүөҕэ.

Бииргэ үлэлэһии иитинэн Арктикатааҕы Культура уонна Искусство Судаарыстыбаннай Институтун педагогтара дойду биир бастыҥ театральнай үрдүк үөрэҕин кыһатыгар муус устар ыйга идэ таһымын үрдэтии куурустарын ааһыахтара.

Бырайыак чэрчитинэн исписэлиистэр хас да хайысханан үөрэниэхтэрэ: «Актерское мастерство», «Сценография» уонна «Искусство балетмейстера».  Нэдиэлэ устата Саха сирин уһуйааччыларыгар лекциялар уонна практическэй дьарыктар ыытыллыахтара. ГИТИС бастыҥ, үрдүк таһымнаах маастардара ыытыахтара.

Хампаанньа музыкальнай искусство сайдыытын пуондатын кытары өр кэмнээх бииргэ үлэһии сөбүлэҥэр олоҕуран Дьокуускайга үс кэнсиэр тэрээһинигэр харчынан өйөбүлү оҥордо.  Тыыннаах музыка доҕуһуолун уонна быһа холбонуутун уопсайа 2 мөлүйүөн кэриэтэ киһи көрдө. Фестиваль кэмигэр эдэр ырыа айаааччылар Рахманинов С. В.  айымньыларын араас көлүөнэ ырыаһыттар толорууларыгар саҥалыы тыыннаан аахтылар.

Newsexpress.ru сайтка сиһилии ааҕыҥ

Хампаанньа коммерческэйэ суох тэрилтэҕэ оҕону дьиэ кэргэҥҥэ иитэ ылыы оскуолатыгар дьарыктары тэрийэргэ анаан харчынан көмөлөстө. Дьиэ кэргэн сайдыытын института (ИРСУ) биллиилээх психолог Людмила Петронавская көҕүлээһининэн тэриллибитэ. Тэрилтэ тулаайах оҕо тематыгар уонна кинилэр дьиэ кэргэҥҥэ киирэллэригэр адаптацияны ааһалларыгар көмөлөһөр.

Сиһилии Weekend информационнай портал саайтыгар ааҕыҥ

Маннык аһымал программа 2020 сыллаахтан саҕалаан үлэлиир, устудьуоннар үөрэхтэригэр көмө, өйөбүл буолар сыаллаах. Бу программа чэрчитинэн хампаанньа дойду биир бастыҥ тарбахха баттанар үрдүк үөрэҕин кыһатыгар 5%-тэн 100%-ҥа тиийэ чэпчэтиини  магистратура5а үөрэнэргэ анаан грант быһыытынан биэрэр. Өйөбүлү туһанарга сүрүн ирдэбил – үөрэх кэмигэр уонна туттарсан киирии түһүмэҕэр үрдүк көрдөрүү.

Сиһилии Newsroom.su сайтка ааҕыҥ