Тэрээһин Саха сиригэр иккис төгүлүн хампаанньа уонна СӨ Кэлэр көлүөнэ тус сыаллаах пуондатын кытары бииргэ үлэлэҺии сөбүлэҥэр олоҕуран ыытыллар. 100 бастыҥ педагог 100-түү тыһыынча бириэмийэни туттулар. Кыайыылаахтары эҕэрдэлиир үөрүүлээх тэрээһин СӨ правительствотын дьиэтигэр ыытылынна.
Ааспыт сылы кытары тэҥнээтэххэ быйылгы сыллааҕы күрэххэ 3 төгүл элбэх сайаапка киирбит. Куонкуруска үөрэхтээһин эйгэтигэр 3 сылтан кырата суох ыстаастаах, бу хайысхаҕа кырата суох кылааттарын киллэрбит, сайыннарбыт, араас ситиһиилэрдээх учууталлар, педагогтар кыттыыны ыллылар.
Кыттааччылары тутулуга суох хамыыһыйа сыаналаата. Сыанабыл сүрүн хайысхалара – үөрэнээччилэр ситиһиилэрэ, күрэххэ кыттааччылар тус бэйэлэрин ситиһиилэрэ, үөрэх эйгэтигэр аныгы методикалары туһаныы. Маны сэргэ, хас биирдии категорияҕа үөрэхтээһин эйгэтин үлэһиттэрин эбии критерийдары тутуһан сыаналаммыта куонкуруска кырдьыгы тутуһууну бигэтик көрдөрдө.
Кыайыылаахтарга димломнары «РНГ» АУо Саха сиринээҕи бэрэстэбиитилистибэтин салайааччыта Тимофей Егоров уонна Саха Өрөспүүбүлүкэтин наукаҕа уонна үөрэхтээһиҥҥэ миниистирин эбээһинэһин толорооччу Нюргуна Соколова туттардылар.