Станислав Любшин РСФСР народнай артыыһа, «РНГ» АУо-ҕа культурнай сайдыы бырайыактарын боппуруостарыгар генеральнай дириэктэр сүбэһитэ 89 сааһын бэлиэтээтэ.
Сэбиэскэй уонна Российскай артыыс 95 оруолу киинэҕэ толорбута уонна аа5ан сиппэт оруоллара тыйаатыр сыанатыгар оонньоммуттара. Станислав Любшин Таганка Московскай тыйаатырыгар, М.Н. Ермолаева аатынан тыйаатырга «Современник» туруорууларыгар оонньообута. 1981 сыллаахтан А.П.Чехов аатынан Москватаа5ы художественнай тыйаатырга кыттыыны ылар.
Станислав Любшин сүбэтинэн-аматынан хампаанньа «Якутия вдохновляет» программа чэрчитинэн «Мост искусств» пуонданы кытары бииргэ үлэлииргэ сөбүлэҥ түһэрсибитэ, маны сэргэ, Борис Эйфман Санкт-Петербургтааҕы судаарыстыбаннай академическэй балет тыйаатырын гастроллара өйөммүттэрэ.
«Станислав Андреевич, төрөөбүт күҥҥүнэн ис сүрэхтэн эҕэрдэлиибин! Эһиги талааҥҥытынан, киминэн да солбуллубат оруолларгытынан, ураты дьоҕургутунан дьиҥнээх норуот артыыһын быһыытынан билиннигит. Эһиэхэ кытаанах доруобуйаны, элбэх ситиһиини баҕарабыт, сүбэ-ама буоларгытыгар махтанабыт», — диэн «РНГ» АУо генеральнай дириэктэрэ Владимир Ракитин эҕэрдэтин тиэртэ.
Станислав Любшин – элбэх Бочуотунай наҕараада хаһаайына. Ол иһигэр «Дойдуга бэриниилээх буолуу» 3-с, 4-с степеннээх уонна Доҕордоһуу уордьаннарын ылбыта, театральнай искусство сайдыытыгар өҥөтүн уонна уонна хас да сыллаах ситиһиилээх айар үлэтин иһин Российскай Федерация президенин махтал суругунан уонна Бочуот бэлиэнэн наҕараадаламмыта.