Москватааҕы мюзикл тыйаатырыгар РСФСР народнай артыыһа Андрей Миронов 80 сааһыгар анаммыт улахан кэнсиэр буолан ааста. Ахтыы киэһэтин спонсора — «РНГ» АУо.
Ахтыы киэһэтигэр кыттыыны ыллылар россиятааҕы театр уонна киинэ артыыстара: Вера Васильева, Александр Ширвиндт, Леонид Каневскай, Дмитрий Харатьян, Владимир Машков, Лариса Голубкина. Үөрүүлээх тэрээһини иилээн-саҕалаан ыытта – Москватааҕы мюзикл тыйаатырын уус-уран салайааччыта, норуоттар икки ардыларынааҕы культура салаатыгар бииргэ үлэлэһиини көҕүлүүр РФ президенин анал бэрэстэбиитэлэ Михаил Швыдкой
«“РНГ” АУо – Саха Өрөспүүбүлүкэтин тыйыс тымныы усулуобуйатыгар үлэлиир, сөҕүмэр дьикти хампаанньа. Төһө да ыарахан усулуобуйаҕа үлэлээтэргит дьоҥҥо сылааһы бэлэхтиигит, духуобунай сайдыыга төһүү күүс буолаҕыт. Эһиги культура уонна үөрэхтээһин хайысхаларыгар үтүө санаанан көмөлөһөргүт бүттүүн дойдуну харыстыыр уонна биир ситимниир», – диэн тыйаатыр уус-уран салайааччыта Михаил Швыдкой санаатын үллэһиннэ.
Бу киэһэҕэ сыанаттан Андрей Миронов араас киинэлэргэ, испиктээкиллэргэ, мультфильмнарга көстүбүт сэдэх толоруулара иһилиннилэр. Ырыалары Борис Фрумкин салайааччылаах Олег Лундстрем аатынан джазовай музыка камернай оркестыра доҕуһуоллаата.
«Андрей Миронов – сэбиэскэй киинэ аатырбыт, улуу артыыһа. Кини кыттыылаах киинэлэри бары көлүөнэ сөбүлээн көрөр. Улуу артыыска анаммыт дьоро киэһэҕэ кыттыыны ылбыппытыттан, бэйэбит сэмэй кылааппытын укпуппутуттан киэн туттабыт», – диэн «РНГ» АУо культурнай бырайыактары сайыннарыы боппуруостарыгар генеральнай дириэктэр сүбэһитэ, РСФСР народнай артыыһа Станислав Любшин санаатын үллэһиннэ.
Хампаанньа культурнай көҕүлээһиннэри, бу салааҕа бииргэ үлэлэһии бырайыактарын өрүүтүн өйүүр. Ол курдук, ааспыт күһүн «РНГ» АУо «Мост искусств» пуонданы кытары бииргэ үлэлэһиигэ сөбүлэҥ түһэрсибитэ. Былааҥҥа – Саха сиригэр интэриэһинэй бырайыактары олоххо киллэрии.