Тэрээһин «Созидаем будущее вместе» диэн сүрэхтэнэн Саха Өрөспүүбүлүкэтин үүнэр көлүөнэтин тус сыаллаах пуондатын 30 сыллаах үбүлүөйүн чэрчитинэн Дьокуускай куоракка ыытылынна.
Стратегическэй сессия сүрүн сыалынан тус сыаллаах пуонда инники сайдыытыгар, Саха сиригэр оҕо, ыччат өйөбүлүгэр хайдах үлэ ыытыллыахтааҕар этиилэри дьүүллэстилэр.
««РНГ» АУо биһиги көҕүлээһиннэрбитин мэлдьи өйүүрүн иһин махталбытын биллэрэбит. Биир санаанан салайтаран кэлэр көлүөнэ ыччат бары өттүнэн сайдыылаах, түмсүүлээх буоларыгар олук уурабыт», – диэн пуонда генеральнай дириэктэрэ Владимир Егоров санаатын үллэһиннэ.
2022 сыллаахха «РНГ» АУо үүнэр көлүөнэ тус сыаллаах пуондатын кытары педагогтар Өрөспүүбүлүкэтээҕи күрэхтэрин тэрийсэн, генеральнай партнер быһыытынан кыттыыны ылбыта. Онтон 2023 сыл саҥатыгар саахымакка эр дьоҥҥо Россия кубогын сүүмэрдиир түһүмэҕин өйөөбүтэ.