Бастыҥ көрдөрүүлээх үлэһиттэр махтал суруктарынан уонна грамоталарынан бэлиэтэннилэр.
Топливнай-энергетическэй комплекс сайдыытыгар кылааттарын уонна өр кэмнээх үтүө суобастаах үлэлэрин иһин РФ энергетикаҕа министиэристибэтин биэдэмистибэннэй наҕараадатын «РНГ» АУо үлэһиттэрэ туттулар: ыскылаат уонна транспортнай логистика салаатын начальнига Вадим Тарасов уонна ниэби хачайдыырга бэлэмниир сыах начальнига Александр Выборов.
Генеральнай дириэктэри солбуйааччы — «РНГ» АУо хапытаалынай тутуу управлениетын начальнига Александр Усков «Бочуоттаах тутааччы» ааты биэдэмистибэттэн тутта.
«РФ энергетикаҕа министиэристибэтигэр үлэбин үрдүктүк сыаналаабыттарыгар махтанабын. Регион социальнай-экономическэй сайдыытыгар кыттыыны ылыы – бу хампаанньа сүрүн сыалларыттан биирдэстэрэ. Инникитин да бу үлэни салгыырга, инфраструктура сайдыытыгар, суол хаһаайыстыбатын кыһалҕалаах боппуруостарын быһаарарга өрүү көмө буолуохпут, сэмэй кылааппытын киллэрэ туруохпут диэн эрэннэрэбит», – диэн бэлиэтээтэ Александр Усков.
Маны сэргэ, махтал суруктарынан уонна бочуотунай грамоталарынан “ЯкутСтройПроект» ХЭТ үлэһиттэрэ на5араадаланнылар: 5-с разрядтаах суоппар Виктор Стемпень; 6-с разрядтаах трелевочной массыына машиниһа Сергей Булдаков; тутууга кылаабынай инженер Александр Тярин; 6-с разрядтаах машинист Георгий Рошка; 4-с разрядтаах массыына суоппара Федор Узун; 4-с разрядтаах суоппар Игорь Полянцев; «Сюльдюкар Геологоразведка» ХЭТ исписэлииһэ – хаһаайыстыбаннай чааска партия начальнигын солбуйааччы Марат Кашапов уонна «РНГ Снабжение» ХЭТ таһаҕаһы тиэйээччитэ, таһаҕас тиэйэр массыына суоппара Анатолий Герасименко.
“Мииринэй оройуона” муниципальнай тэриллии баһылыга Александр Басыров аатыттан грамоталары уонна махтал суруктары «РНГ» АУо үлэһиттэрэ туттулар: производственнай-техническэй документацияны бэлэмнээһин инженера Евгений Ларюхин, 5-с разрядтаах машинист Николай Цуриков, «РНГ Снабжение» ХЭТ 4-с разрядтаах массыына суоппара Дмитрий Скворцов уонна «ЯкутСтройПроект» ХЭТ чинчийэр лабораториятын салайааччыта Галина Петрова.
Мииринэй куорат баһылыгын Клим Антонов бочуотунай грамоталара «РНГ Снабжение» ХЭТ производственнай-техническэй отделын инженеригэр Анастасия Васильеваҕа уонна «РНГ» АУо ниэби хачайдыырга бэлэмниир сыах маастарыгар Алексей Прыгуновка туттарылыннылар.