Саха сиригэр Саха АССР төрүттэммитэ 100 сыллаах үбүлүөйүгэр анаммыт үөрэхтээһин эйгэтин үлэһиттэрин өйүүр сыаллаах ыытыллар куонкурус кыайыылаахтара ааттанна, түмүгэ таҕыста. Кыайыылаахтар истэригэр Саха Өрөспүүбүлүкэтин уонна Россия үтүөлээх учуутала лицей-интернат учуутала Зоя Холмогорова аата ааттанна. Кини 40 сыл нуучча тылын уонна литературатын үөрэтэр. Үөрэнээччилэр сыл ахсын үрдүк ситиһиилэнэллэр. Биир кэлим экзамеҥҥа 100-түү баалы ылаллар, оскуола үөрэнээччилэрин олимпиадатыгар бастыҥ көрдөрүүлээхтэр. Оҕону үөрэххэ хайдах интэриэстиир, классикаҕа хайдах тапталы үөскэтэр туһунан кини интервьютугар СӨ үөрэххэ уонна наукаҕа министиэристибэтин порталыгар сиһилии кэпсээтэ.
Бу туһунан Саха Өрөспүүбүлүкэтин үөрэххэ уонна наукаҕа министиэристибэтин саайтыгар сиһилии ааҕыҥ
