«РНГ» АУо ыксаллаах түгэҥҥэ түбэспит дьоннорго көмөлөһөр сыаллаах «Россиятааҕы Кыһыл Кириэс» бүтүн дойдутааҕы общественнай тэрилтэ бырайыактарын өйүөҕэ. Бииргэ үлэлэһии торумугар олохтоох нэһилиэнньэ доруобуйатын харыстабыла итиэннэ ыксаллаах быһыыга түбэспит дьону аһынан, табаарынан хааччыйыы көҕүлээһиннэрэ киириэхтэрэ. Сөбүлэҥ быһыытынан үлэ сүрүннээн Саха Өрөспүүбүлүкэтин территориятын хабыаҕа.
Бииргэ үлэлэһии биир сүрүн тосхоло бастакы көмөҕө туттуллар табаар кэмпилиэктэрин ыскылаатын тэрийии буолар. Ыскылаакка санитарнай-гигиеническэй кэмпилиэктэр, утуйар таҥас уонна уһун болдьоххо харайыллар бородуукта ууруллуоҕа. Бу мунньуллар гуманитарнай саппаас, дьон олоҕор ыксаллаах быһыы-майгы үөскүүр түгэнигэр кыһалҕалаахха түҥэтиллиэҕэ.
Маны сэргэ, сөбүлэҥ иитинэн, суһаллык көмөҕө тиийэр хамаанданы бэлэмнээһин үлэтэ ыытыллар. Бу хамаанда ыксаллаах быһыы-майгы үөскүүр түгэнигэр судаарыстыбаннай сулууспаларга көмө буолуохтаах уонна кинилэргэ сүктэриллэр ноҕоруусканы аччатар сыаллаах тэриллэр.
Сиһилии letnews.ru саайтыгар ааҕыҥ
