Курсааннар хампаанньа бас билиитигэр сылдьар «Виктория-1», «Боец», «Витимец» уонна «Марион» теплоходтарга анал практическэй үөрэхтэри ааһаллар. Устудьуоннар рулевой-моторист дуоһунастарыгар хамнастаах үлэнэн хааччыллан навигация түмүктэниэр диэри стажировкаланыахтара.
Суудуналарга практикаларын 7 курсант ааһар, кинилэр 3-с уонна 4-с куурустары түмүктээбиттэр. Усть-Куттааҕы уу тырааныспарын института – Новосибирскайга баар Уу тырааныспарын судаарыстыбаннай университетын Сибиирдээҕи филиала. Бу үөрэх кыһата суудуна үлэһиттэрин, флоту, өрүс суудунатын туһаныыга техниктары бэлэмнээн таһаарар биир тарбахха баттанар бастыҥ үлэлээх тэрилтэ.
«РНГ Снабжение» ХЭТ Усть-Куттааҕы институтка мэлдьи спонсорскай көмө оҥорор. Маны таһынан, бу үрдүк үөрэх кыһатын бүтэрбит 5 выпускник, хампаанньа теплоходтарыгар араас дуоһунастарга үлэлии сылдьаллар.