Ыам ыйын 9 күнүгэр Санкт-Петербургтааҕы «Пансион воспитанниц Министерства обороны Российской Федерации» кадеттар корпустарыгар Кыайыы 80 сылыгар анаммыт музыкальнай фестиваль түмүктүүр кэнсиэрэ буолан ааста. Хампаанньа тэрээһиҥҥэ «Symphonica ARTica» Саха Өрөспүүбүлүкэтин филармониятын симфоническэй оркестра кыттыытыгар улахан өйөбүл буолла.
Өйөбүл "РНГ" АУо уонна Фабио Мастранджело музыкальнай искусство сайдыытын пуондатын кытта бииргэ үлэлэһэр докумуоннарыгар олоҕуран оҥоһулунна.
Кэнсиэр кэмигэр оркестр толоруутугар Д. Д. Шостакович 7 нүөмэрдээх Симфонията "Ленинградская" тыаһаата уонна блокаднай куорат көмүскээччилэригэр ананна, тулуурдаах, дьулуурдаах буолууну көрдөрдө. Маэстро Фабио Мастранджело салалтатынан Ф. И. Шаляпин аатынан музыкальнай тыйаатыр «Северная Симфония» оркестра, «Symphonica ARTica» Саха Өрөспүүбүлүкэтин Судаарыстыбаннай филармониятын симфоническай оркестра уонна М. Матусовскай аатынан Луганскайдааҕы культура уонна искусство Судаарыстыбаннай Академиятын устудьуоннара бииргэ түмүстүлэр.
«Мин "Дороги Победы" фестиваль биир сомоҕо күүс буолан ыытыллыбытыттан ис сүрэхтэн үөрдүм, – диэн «Дороги Победы» фестиваль кылаабынай дирижера, уус-уран салайааччы Фабио Мастранджело бэлиэтээтэ, – Аҕа Дойду улуу сэриитэ биир да дьиэ кэргэни туора көппөтөҕө. Биһиги саамай сыаналааҕы, историяны өрүү харыстыы сылдьыах тустаахпыт: Аҕа Дойду улуу сэриитин хас биирдии кыттыылааҕын дьоруойдуу быһыытын».
«РНГ» АУо «Symphonica ARTica» Саха Өрөспүүбүлүкэтин Судаарыстыбаннай филармониятын симфоническай оркестра кыттыылаах музыкальнай тэрээһиннэри мэлдьи өйүүр. Фестиваль Кыайыы 80 сылын көрсө сыл бастыҥ үбүлүөйдээх тэрээһинэ буолла.