«РНГ» АУо бырайыак партнёрун быһыытынан номнуо үһүс сылын кыттыыны ылар. Саҥа сезон алтынньы ыйтан саҕаламмыта.
Быйылгы сылга, экологияҕа уонна айылҕаҕа харыстабыллаахтык сыһыаннаһар күрэххэ, уопсайа 80 тыһыынчаттан тахса сайаапка киирдэ. Сылтан сыл дьон интэриэһэ улаатар. Ол курдук, интэриэс сыыппарата бүтүн 14 төгүл үрдээбит. Күрэх географията дойду бары регионнарын хабар, маны сэргэ, 78 судаарыстыба, ол иһигэр Европа, Азия, Африка кыттыыны ыллылар.
Үлэлэри аналлаах дьүүллүүр сүбэ көрдө. Кинилэр истэригэр Росприроднадзор бэрэстэбиитэллэрэ, учуонайдар, суруналыыстар, спортсменнар, худуоһунньуктар, сири-дойдуну кэрийээччилэр бааллар.
Кыайыылаахтар уонна призёрдар сыаналаах бэлэхтэринэн, муораҕа путёвканан, үөрэтэр куурустарынан наҕараадаланнылар. Маны сэргэ кыайыылаахтар 100-тэн тахса Россия үрдүк үөрэҕин кыһаларыгар киириигэ анал чэпчэтиилэри туһаныахтара.