29 мая 2025
«Виктория-1», «Витимец», «Морион» уонна «Боец» теплоходтар Өлүөнэ өрүһүнэн бастакы рейстэригэр туруннулар. Кинилэр Саха сиригэр кииннээн үлэлиир «РНГ» АУо тэрилтэтигэр анаммыт техническэй таһаҕас уонна үлэни хааччыйыыга ас-үөл тиэннилэр.
Суудуналар айаннара үгэс быһыытынан Иркутскай уобалас Усть-Кут куорат Осетрово пордуттан саҕаланар уонна Саха Өрөспүүбүлүкэтин Лэнскэй куоратыгар түмүктэнэр. Айан уопсай уһуна бара-кэлэ 2000 килэмиэтир кэриҥэ.
Былаан быһыытынан, хас биирдии теплоход навигация кэмигэр үлэ хаамыытын тэрийэргэ 10-лыы техническэй рейсэни оҥоруохтаах.
Бэлиэтээн эттэххэ, кыһыҥҥы кэмҥэ өрүс суудуналара былааннаммыт өрөмүөн үлэтин ааһан быйылгы, 2025 сыллааҕы, навигацияҕа толору бэлэмнэр.